धितोपत्र कारोबार हुने साताको अन्तिम दिन सेयर बजारमा सामान्य अंकले बढेको छ।
आज बजार ७.२७ अंकले बढेको हो। योसँगै नेप्से परिसूचक १९३९.६१ को विन्दु कायम भएको छ। राम्रा र बलिया कम्पनीको सूचक सेन्सेटिभ इन्डेक्स भने १.०५ अंकले घटेर ३६४.४२ को विन्दुमा झरेको छ। कारोबार रकम सवा २ अर्ब रुपैयाँ बढीको भएको छ।
यो दिन नेप्से उपसमूहमा रहेका १३ वटा समूहमध्ये ९ वटा उपसमुह बढेको छ भने ४ वटा उपसमुह घटेको छ।
आज व्यापार समूह सर्वाधिक ५.५८ प्रतिशतले उकालो लागेको छ। निर्जीवन बीमा समूह ५.१६ प्रतिशतले बढ्दा विकास बैंक समूहमा ०.९१ प्रतिशत, वित्त समूहमा १.११ प्रतिशत, लगानी समूहमा ०.७८ प्रतिशत, जीवन बीमा समूहमा १.४९ प्रतिशत, लघुवित्त समूहमा ०.०३ प्रतिशत, म्युचुअल फन्ड समूहमा ०.४६ प्रतिशत र अन्य समूह ०.४२ प्रतिशतको बढेको छ।
आज होटेल तथा पर्यटन समूह सर्वाधिक ०.९३ प्रतिशतले घटेको छ। उत्पादन तथा प्रशोधन समूह ०.७८ प्रतिशतले घट्दा जलविद्युत समूहमा ०.७७ प्रतिशत र बैंकिङ समूहमा २६ प्रतिशतको गिरावट आएको छ।
धेरै कारोबार गर्ने कम्पनीहरु
आज नेप्सेमा सूचीकृतमध्ये २७३ कम्पनीका ५९ लाख ६२ हजार ९३ कित्ता सेयर २ अर्ब ३० करोड ५८ लाख ८८ हजार ९३२ रुपैयाँमा किनबेच भएका छन्।
आज आईजीआई प्रुडेन्सियल इन्स्योरेन्सको सर्वाधिक १० करोड २६ लाख रुपैयाँ बढीको कारोबार भएको छ। सिद्धार्थ प्रिमियम इन्स्योरेन्सको ९ करोड ६३ लाख रुपैयाँबराबरको कारोबार भएको आज शिवम सिमेन्टको ८ करोड ७० लाख रुपैयाँ, हिमालयन एभरेस्ट इन्स्योरेन्सको ८ करोड २८ लाख रुपैयाँ, नेपाल टेलिकमको ८ करोड २२ लाख रुपैयाँ, सोल्टी होटेलको ७ करोड ५३ लाख रुपैयाँ, नागरिक लगानी कोषको ६ करोड ४७ लाख रुपैयाँ, साल्ट ट्रेडिङको ४ करोड ६० लाख रुपैयाँ, सानिमा जीआईसी इन्स्योरेन्सको ४ करोड २७ लाख रुपैयाँ र चिलिमे हाइड्रोपावरको ३ करोड ८९ लाख रुपैयाँ बढीको कारोबार भएको छ।
धेरै कमाउने र धेरै गुमाउने
आज दोल्ती पावर र भूगोल इनर्जीका सेयरधनीहरु मालामाल भए। आजैबाट दोस्रो बजारमा कारोबार खुलेको दोल्ती पावरको सेयरभाउमा १० प्रतिशत र भूगोल इनर्जीको सेयरभाउमा १० प्रतिशतको हाराहारीमा बढोत्तरी भएर पोजिटिभ सर्किट लागेको छ।
आज रिभर फल्सका सेयरधनीहरुले धेरै गुमाए। यो कम्पनीको सेयरभाउ ७ प्रतिशतको हाराहारीमा ओरालो लागेको छ।
