नेपाल विद्युत प्राधिकरणको आईपीओ चाडै आउने जानकारी दिएका छन । त्यसका लागि आबस्यक प्रक्रिया अगाडि बढाएको ब्यहोरा पनि उनले जनाएका छन ।

आज पत्रकार सम्मेलन गर्दै प्राधिकरणका कार्यकारी निर्देशक कुलमान घिसिङले आईपीओ आउन लागेको जनाएका हुन । ‘विद्युत प्राधिकरण ऐन, २०४१ बमोजिम सर्वसाधारणका लागि सेयर जारी गर्ने तयारी भइरहेको छ ,डीडीए तयार भइसकेको छ। इक्राबाट पनि डबल ए प्लस रेटिङ प्राप्त भइसकेको छ।’ उनले भने ।

प्राधिकरणले गत आर्थिक वर्ष २०७९–८०मा १२ अर्ब ३३ करोड रुपैयाँ नाफा कमाएको छ। ‘अपरिष्कृत वित्तीय विवरणअनुसार प्राधिकरणको नाफा १२ अर्ब ३३ करोड पुगेको छ’, घिसिङले भने।

‘गत आर्थिक वर्षमा सुख्खायामको समय बढेर खोला तथा नदीनालामा पानीको बहाव घट्दा प्राधिकरण र निजी क्षेत्रका जलविद्युत केन्द्रहरुको विद्युत उत्पादनमा ह्रास आउँदा र आन्तरिक माग धान्न विद्युत आयात केही बढ्दा नाफा प्रभावित बनेको हो’, घिसिङले भने।

प्राधिकरणले विद्युत बिक्री र अन्यबाट गर्ने आम्दानी २ वर्षअघि करिब ८१ अर्ब रुपैयाँ रहेकोमा अहिले बढेर करिब १ खर्ब १८ अर्ब पुगेको घिसिङले जानकारी दिए। ‘प्राधिकरणको सञ्चित नाफा ११ अर्बबाट बढ्दा ३६ अर्ब ६७ करोड रुपैयाँ पुगेको छ’, उनले भने।

आज २५ गते वैदेशिक रोजगारीमा रहेका नेपालीका लागि जारी हाथवे इन्भेस्टमेन्ट नेपालको आईपीओ बाँडफाँड गरिएको छ।

धितोपत्र बिक्री प्रबन्धक ग्लोबल आइएमई क्यापिटल काठमाण्डौ नक्सालस्थित कार्यालयमा हाथवे इन्भेस्टमेन्टको आईपीओ बाँडफाँड गरिएको हो।

नेपाल धितोपत्र बोर्डबाट कम्पनीले जारी पुँजी रु. १ अर्ब १७ करोडमध्ये १२.५० प्रतिशत अर्थात रु. १४ करोड ६२ लाख ५० हजार रकमबराबरको प्रतिकित्ता अंकित मूल्य रु. ५० दरका २९ लाख २५ हजार कित्ता साधारण सेयर निष्कासनको अनुमति पाएको छ। त्यसमध्ये पहिलो चरणमा कम्पनीले १० प्रतिशतले हुन आउने २ लाख ९२ हजार ५०० कित्ता सेयर वैदेशिक रोजगारीमा रहेका नेपालीलाई गत साउन ४ गतेदेखि साउन १८ गतेसम्म बिक्री खुला गरेको थियो।

यो आईपीओमा मागभन्दा झन्डै ४.८४ गुणा बढी आवेदन प्राप्त भएको क्यापिटलले जनाएको छ। आईपीओमा २७ हजार २३६ जना आवेदनबाट १४ लाख १७ हजार ४४० कित्ता सेयरको लागि दरखास्त प्राप्त भएको थियो ।

क्यापिटलका अनुसार २० कित्तादेखि १ लाख कित्तासम्म आवेदन दिने २७ हजार २३१ जना आवेदकमध्ये १४ हजार ६२५ जनालाई गोलाप्रथा विधिमार्फत २० कित्ताका दरले बाँडफाँड गरिएको छ।

आईपीओ बाँडफाँटको नतिजा निष्कासन तथा बिक्री प्रबन्धकको वेबसाइट www.globalimecapital.com.np तथा निष्कासनकर्ता कम्पनीको वेबसाइट www.hathwaynepal.com.np र सीडीएस एन्ड क्लियरिङको वेबसाइट www.iporesult.cdsc.com.np मा उपलब्ध गराइएको छ।