21.5 C
Nepal
Monday, July 22, 2024

म्युचुवल फण्डलाई दिएको आइपिओको कोटा खारेज हुने !

कुनै पनि कम्पनीले नेपालमा लागि साधारण सेयर आईपीओ सर्वसाधारणहरूका लागि निष्कासन गर्दा ५ प्रतिशत सामूहिक लगानी कोष अर्थात् म्युचुअल फण्डहरूलाई पाउने कानुनी ब्यबस्था हाल रहेको छ । कुनै पनि कम्पनीले आईपीओ निष्कासन गर्दा उक्त कम्पनीको जम्मा आईपीओको ५ प्रतिशत म्युचुअल फण्डहरूले आरक्षण पाउने हालको ब्यबस्थामा छ ।

म्युचुअल फण्डहरुलाई बजार निर्माता पनि भनिन्छ । यसले बजारमा प्यानिक आएको अवस्थामा तथा सेयर बजारमा लगानी गर्न सर्बसाधारण डराएको अवस्थामा पनि बस्तुस्थितिको गहिरो बिस्लेषण गरी बजारलाई आबस्यक सकारात्मक दिशातर्फ डोर्याउन महत्वपूर्ण भुमिका हुन्छ ।

तर नेपालको सेयर बजारमा ज्वाँई सुबिधा पाएको म्युचुवल फन्डले बजारलाई सकारात्मक दिशा दिने अपेक्षा गरिएको फण्डहरुले उल्टो काम गर्दै आएको आरोप लाग्ने गरेको छ । आरक्षणमा पाएको आइपिओको दुरुपयोग गरेको पनि आरोप लाग्दै आएको छ ।

जसले बजारलाई सम्हाल्नु पर्ने हो , त्यसले नै कोटामा पाएको आइपिओ सबैभन्दा छिटो बेचेर बजार बिगार्न भुमिका खेलेको भन्दै यसको लगानिकर्ताले बिरोध गर्दै आईरहेका छन । लगानीकर्ताहरूले लामो समयदेखि म्युचुअल फण्डलाई आईपीओमा कोटा खारेज गर्नुपर्ने माग राख्दै आएका छन ।

कोटामा पाएको आइपिओको दुरुपयोग गर्दै बजार घटाउन भूमिका भन्दै अहिले सेबोनले यसबारे पुनर्बिचार गर्ने भएको छ ।

सोही अनुरूप अब भने नेपाल धितोपत्र बोर्ड (सेबोन) पनि म्युचुअल फण्डलाई आईपीओमा कोटा हटाउने तयारीमा लागेको छ ।

म्युचुवल फण्डलाई दिएको आइपिओको कोटा खारेज गर्नेबारे सेबोनमा छलफल सुरु भएको छ ।

spot_img
Latest news
Related news

LEAVE A REPLY

Please enter your comment!
Please enter your name here