आइतबार सेयर बजार दोहोरो अंकले ओरालो लागेको छ।
बजार आज १६.९६ अंकले ओरालो लागेको हो। योसँगै नेप्से परिसूचक १८२१.६४ को विन्दुमा पुगेको छ। राम्रा र बलिया कम्पनीको सूचक सेन्सेटिभ इन्डेक्स पनि ३.५२ अंकले घटेर ३४९.५८ को विन्दुमा ओर्लेको छ।
आज नेप्से उपसमूहमा रहेका १३ वटा समूहमध्ये एउटामात्रै हरियाली छाएको छ भने अन्य सबै समूहमा रातो पोतिएको छ।
मौद्रिक नितिले लगानिकर्तालाई झनै निराश गरेको छ । मौद्रिक नितीले बजारलाई सम्बोधन गर्ने बजारको अनुमान बिपरित नितिमा बजार मैत्री आएन , यसको सोझो असर सेयर बजारमा परेको हो ।
लगानीकर्ताले मौद्रिक समीक्षामार्फत सेयर धितो कर्जामा १२ करोड क्याप हट्ने र कर्जामा १५० प्रतिशत जोखिम भारलाई पहिलेकै अवस्थामा ल्याइने आशा गरेका थिए तर त्यसो भएन जसको सिधारुपमा बजारमा असर गरेको छ ।
आज जलविद्युत समूह सर्वाधिक २.२१ प्रतिशतले ओरालो लागेको छ। अन्य समूह २.०७ प्रतिशतले घट्दा बैंकिङ समूहमा ०.७१ प्रतिशत, विकास बैंक समूहमा १.१४ प्रतिशत, वित्त समूहमा १.२६ प्रतिशत, होटेल तथा पर्यटन समूहमा ०.८१ प्रतिशत, जीवन बीमा समूहमा ०.४४ प्रतिशत, उत्पादन तथा प्रशोधन समूहमा १.५८ प्रतिशत, लघुवित्त समूहमा ०.५१ प्रतिशत, म्युचुअल फन्ड समूहमा ०.४८ प्रतिशत, निर्जीवन बीमा समूहमा ०.४८ प्रतिशत र व्यापार समूहमा ०.५५ प्रतिशतको गिरावट आएको छ।
लगानी समुह भने बढेको छ ।
धेरै कारोबार गर्ने कम्पनीहरु
आज नेप्सेमा सूचीकृतमध्ये २६३ कम्पनीका २७ लाख ८८ हजार ८१५ कित्ता सेयर ९० करोड ५ लाख ६३ हजार ८५६ रुपैयाँमा किनबेच भएका छन्।
यो दिन नागरिक लगानी कोषको सर्वाधिक ५ करोड ३५ लाख रुपैयाँ बढीको कारोबार भएको छ। हिमालयन डिस्टिलरीको ४ करोड ५९ लाख रुपैयाँबराबरको भएको आज एनआईसी एसिया बैंकको ४ करोड ५७ लाख रुपैयाँ, शिवम सिमेन्टको ३ करोड ६० लाख रुपैयाँ, नबिल बैंकको ३ करोड ७ लाख रुपैयाँ, नेपाल टेलिकमको २ करोड ७ लाख रुपैयाँ, लक्ष्मी बैंकको २ करोड रुपैयाँ, सोल्टी होटेलको १ करोड ७९ लाख रुपैयाँ, कृषि विकास बैंकको १ करोड ५८ लाख रुपैयाँ र एक्सेल डेभलपमेन्ट बैंकको १ करोड ३४ लाख रुपैयाँ बढीको कारोबार भएको छ।
धेरै कमाउने र धेरै गुमाउने
यो दिन आत्मनिर्भर लघुवित्तका सेयरधनीहरु मालामाल भए। यो लघुवित्तको सेयरभाउमा १० प्रतिशतको बढोत्तरीका साथ पोजिटिभ सर्किट लागेको छ।
आज राष्ट्र उत्थान लघुवित्तको सेयरभाउमा ६ प्रतिशत बढीको गिरावट आएको छ।
