गत आर्थिक वर्षमा विकास बैंकको नाफा घटेको पाइएको छ । अघिल्लो वर्षको तुलनामा विकास बैंकको नाफा ७.८२ प्रतिशतले घटेको देखिन्छ ।
अघिल्लो बर्ष राष्ट्रिय स्तरका विकास बैंकले ६ अर्ब ३१ करोड ३३ लाख ३९ हजार रुपैयाँ नाफा आर्जन गर्दा समिक्षा अबधिसम्म नाफा ७.८२ प्रतिशतले घटेर ५ अर्ब ८१ करोड ९२ लाख २९ हजार रुपैयाँ कायम भएको देखिन्छ । ८ वटा राष्ट्रिय स्तरका विकास बैंकमा ५ वटा बैंकको नाफा घटेको छ भने तीन वटाको नाफा बढेको छ ।
प्राप्त वित्तीय विवरण केलाउदा २ वटा बैंक नाफा आर्जनमा अर्बपति क्लबमा प्रवेश गरेको देखिन्छ । मुक्तिनाथ विकास बैंकले १ अर्ब ३६ करोड ३८ लाख ६७ हजार रुपैयाँ नाफा आर्जन गरेको छ । त्यस्तै नाफा आर्जनमा अर्बपति क्लबमा गरिमा विकास बैंक प्रवेश गरेको छ । गरिमाले १ अर्ब २१ करोड ७३ लाख ७१ हजार रुपैयाँ नाफा आर्जन गरेको छ ।
यसैगरी साइन रेसुङगा विकास बैंकको नाफा पनि २१.२९ प्रतिशतले बढेर ७८ करोड ६८ लाख २६ हजार रुपैयाँ पुगेको छ । समिक्षा अबधिमा लुम्बिनी विकास बैंकको नाफा ३.८७ प्रतिशतले घटेर ६१ करोड २४ लाख ८२ हजार रुपैयाँ रहेको छ ।
ज्योति विकास बैंकको नाफा १७.४३ प्रतिशतले घटेर ५५ करोड ३२ लाख १ हजार रुपैयाँ रहेको छ । महालक्ष्मी बैंकको नाफा ४७.९४ प्रतिशतले घटेर ४७ करोड ९ लाख ६२ हजार रुपैयाँ रहेको छ ।
सांग्रिला डेभलपमेन्ट बैंकको नाफा २१.८७ प्रतिशतले घटेर ३८ करोड ३३ लाख ८५ हजार रुपैयाँमा सिमित भएको छ । कामना सेवा विकास बैंकको नाफा २६.९२ प्रतिशतले घटेर ४३ करोड ११ लाख ९८ हजार रुपैयाँ रहेको छ ।
