जिल्ला अदालत काठमाडौंले बलात्कार अभियुक्त क्रिकेटर सन्दीप लामिछानेको मुद्दामा पीडितकी आमाको जन्ममिति यकिन गर्न आदेश दिएको छ।
आज भएको सुनुवाईमा न्यायाधीश राजुकुमार खतिवडाको इजलासले पीडितकी आमाको जन्ममिति फरक फरक देखिएको भन्दै पीडितको आमाको जन्ममिती यकिन गर्न आदेश दिएको छ ।

सर्वोच्च अदालतले गत फागुन १५ गते फास्ट ट्र्याकबाट सन्दीपविरूद्धको मुद्दा किनारा लगाउन आदेश जारी गरेको थियो। तर त्यसपछि कैयौं पटक मुद्दा सुनुवाइका लागि पेशी चढेर पनि सुनुवाई नभई स्थगित भएका छन ।

लामिछाने विश्वकप छनोट खेल्न जिम्बावे गएपछि मुद्दाको सुनुवाई रोकिएको थियो। उनी फर्किएलगत्तै मुद्दाको सुनुवाइ सुरू हुन लागेको हो।

राष्ट्रिय क्रिकेट टिमका पूर्वकप्तानसमेत रहेका सन्दीपविरूद्ध भदौ २१ गते एक किशोरीले आफूमाथि जबरजस्ती करणी गरेको भन्दै गौशाला प्रहरी वृत्तमा जाहेरी दिएकी थिइन्।

जिल्ला अदालतले पुर्पक्षका लागि जेल चलान गरेको थियो । पछी सन्दिपले पुनराबेदन गरेपछी उच्च अदालतले धरौटीमा छाडन आदेश दिएको थियो ।
बिदेशमा खेल्न जान प्रतिबन्ध कायम नै रहेपछी सन्दिप पक्ष क्रिकेट खेल्न बिदेश जान पाउनु पर्ने भन्दै सर्बोच्च गएका थिए भने सरकारी वकिल कार्यालय- सन्दिपलाई जेलमै पठाउनु पर्ने भन्दै सर्बोच्च गएको थियो । सर्बोच्चले एकमुस्ट दुबै मुद्धा उपर सुनुवाई गर्दै उच्चको आदेश सदर गरेको थियो भने सन्दिपलाई बिदेश जान पनि अनुमती दिएको थियो ।

अब जिल्ला अदालतले पीडित भनिएकी महिलाको आमाको जन्ममिती यकिन भएको सात दिनभित्रमा फेरी सुनुवाई सुरु हुने छ ।

सेयर लगानीकर्ताले कुनै अध्ययन नगरि प्रिमियममा आइपिओ जारी गरी कमिसनमा लिप्त भएको आरोप सेबोन अध्यक्षमाथी लगाएका छन ।

पुजिबजारको बिकासको लागि काम गर्नु पर्नेमा अध्यक्षले कमिसन आउने मात्र काम गर्न थालेको भन्दै सेबोनको ध्यानाकर्षण गराउन गएका लगानिकर्ताले संस्थागत लगानीकर्ताको हस्तक्षेप बढाएर लैजानुपर्ने बताए ।

लगानीकर्ता तिलक कोइरालाले लगानीकर्ताको हित र पूँजी बजार सुधार र बिस्तारको काम गर्दा कमिशन नआउने भएकाले त्यस्ता कामहरुमा ढिलाई भएको भन्दै कमिशन आउने मात्र काम नगर्न सेबोन अध्यक्षलाई खबरदारी गरे ।

कोइरालाले भने, हामी लगानीकर्ता कमिशन दिन सक्दैनौ भन्दैमा पूँजी बजार बिस्तारको काम रोक्नु भएन, बजारलाई बलियो बनाएर लैजान गर्नुपर्ने काम तत्काल गर्नुपर्यो ।

बजारमा आपुर्ति मात्र बढाउने तर माग बढाउने काम फिटिक्कै नगर्ने प्रबृत्तिले पूँजी बजारमा गंभीर संकट ल्याउने चेतावनी कोइरालाको थियो ।

सेबोनको कार्यालय घेराउ गर्ने कार्यमा लगानिकर्ताको सहभागी सङ्ख्या एकदमै न्युन रहेको थियो तर प्रहरीहरु भने ब्यापक रुपमा परिचालन गरिएका थिए । लगानीकर्ताको सङ्ख्या कम देखेपछी सेबोन अध्यक्षले लगानिकर्ताको माग प्रती खासै ख्याल दिएको देखिएन साथै उनले लगानिकर्तासङ्ग कुराकारी पनि गरेनन ।

जीवन विकास लघुवित्त वित्तीय संस्था लिमिटेड (JBLB) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।

लघुवित्तले ४० करोड ५२ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा ५०.०९ प्रतिशत कम हो।

समीक्षा अवधिमा लघुवित्तको खुद ब्याज आम्दानी ९.०४ प्रतिशत घटेको छ भने अन्य सञ्चालन आम्दानी ३४.७१ प्रतिशत घटेको छ। त्यसैगरी, लघुवित्तको कुल सञ्चालन आम्दानी ८.५१ प्रतिशत र सञ्चालन मुनाफा ५०.०९ प्रतिशत घटेको छ। लघुवित्तको वितरणयोग्य मुनाफा भने २६ करोड ३२ लाख रुपैयाँ रहेको छ।

लघुवित्तको निष्क्रिय कर्जा ०.९१ प्रतिशतबाट बढेर २.३९ प्रतिशत पुगेको छ। लघुवित्तको इम्पेरमेन्ट चार्ज बढेर ३७ करोड ३४ लाख रुपैयाँ पुगेको छ।

लघुवित्तको प्रतिशेयर आम्दानी ३४ रुपैयाँ ४० पैसा घटेर ३४ रुपैयाँ २८ पैसामा झरेको छ। लघुवित्तको प्रतिशेयर नेटवर्थ २६३ रुपैयाँ ७ पैसा रहेको छ। त्यसैगरी, लघुवित्तको मूल्य आम्दानी अनुपात ४६.६८ गुणा रहेको छ।

यस लघुवित्तको जगेडा कोषमा १ अर्ब ९२ करोड ७५ लाख रुपैयाँ सञ्चित छ। लघुवित्तले १८ अर्ब ८८ करोड ४३ लाख निक्षेप तथा सापटीबाट २२ अर्ब ७९ करोड ९१ लाख रुपैयाँ कर्जा लगानी गरेको छ।