आज नेप्से ४७ अङ्कले बढेको छ। २।२४ प्रतिसतले बढेर बजार २१४४को बिन्दुमा बन्द भएको छ .
आज बिकास बैंकका लगानिकर्ताले सबै भन्दा बढी कमाएका छन ।

बजारमा आज २ अर्ब ५६ करोडभन्दा बढीको कारोबार भएको छ । आज २०० कम्पनिको मुल्य बढेको छ भने १३ कम्पनिको मुल्य घटेको छ ।

आज सर्बाधिक कमाउनेहरुमा बिपिडब्लु लघुबित्त ,युनाइटेड अजोड इन्सुरेन्स ,अभियान लघुबित्त ,सिर्जन्सिल लघुबित्त , मुल्टिपर्पोज फाइनान्स लगायतका कम्पनीहरु रहेका छन भने म्युचुवल फन्डहरुले सर्बाधिक गुमाएका छन ।

आज सिभम सिमेन्ट , हिमालयन इन्सुरेन्स , साइन रेसुङ्गा बिकास बैंक , सोल्टी होटेल लगायतका कम्पनीको सेयरको सर्बाधिक कारोबार भएको छ ।

सन नेपाल लाइफ इन्स्योरेन्सले प्रिमियममा आईपीओ निष्काशन आज देखि खुला भएको छ । इन्स्योरेन्सले आफ्नो जारी पूँजी ३ अर्ब २० करोड रुपैयाँको ३० प्रतिशतले हुन आउने ९६ करोड रुपैयाँ बराबरको ९६ लाख कित्ता साधारण सेयर निष्काशन गरेको हो।

पहिलो चरणमा ९ लाख ६० हजार कित्ता सेयर प्रतिकित्ता १०० अंकित मूल्यमा १३९ रुपैयाँ थप गरी कुल २३९ रुपैयाँमा वैदेशिक रोजगारीमा रहेका नेपालीहरुका लागि निष्काशन गरिएको हो।

वैदेशिक रोजगारीमा रहेका नेपालीहरुले नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्थाहरु र तिनका शाखा कार्यालयहरु तथा सिडिएस एण्ड क्लियरिङ्ग लिमिटेडबाट उपलब्ध गराएको ‘मेरो सेयर’ सफ्टवेयरबाट आवेदन दिन सक्नेछन्।

घोराही सिमेन्ट इन्डस्ट्रीको आईपीओ आज असार ३१ गते बाँडफाँड गरिएको छ।

धितोपत्र बिक्री हिमालयन क्यापिटल र प्रबन्धक नबिल इन्भेस्टमेन्ट बैंकिङले घोराही सिमेन्टको आईपीओ बाँडफाँड गरेका हुन।

कम्पनीले कुल ६९ लाख ११ हजार ६७० कित्ता आईपीओ बिक्री खुला गरेको थियो। यसमा स्थानीय, विदेशमा रहेका नेपाली श्रमिक, सामूहिक लगानी कोष र कर्मचारीलाई छुट्याएर बाँडफाँड गरेपछि बाँकी रहेको ८ लाख ७४ हजार ३८२ कित्तासमेत थपिएको थियो।

यो आईपीओमा प्रतिकित्ता ४३५ रुपैयाँ दरका आवेदन दिनुपर्ने व्यवस्था गरिएको थियो। जसमा कम्पनीले अंकित मूल्य १०० रुपैयाँमा ३३५ रुपैयाँ प्रिमियम मूल्य थपेको थियो।

यो आईपीओमा आवेदन दिने सबैले सेयर पाएका छन्। क्यापिटलका अनुसार १० कित्तादेखि ७० कित्तासम्म सेयर माग गरेका ५ लाख ५३ हजार ४४ जनालाई मागबमोजम सेयर बाँडफाँड गरिएको छ। जसअनुसार उनीहरुलाई कुल ६५ लाख ७८ हजार ७७० कित्ता बाँडफाँड गरिएको छ।

यसैगरी ८० कित्तादेखि ३० हजार कित्तासम्म सेयर माग गर्ने ४ हजार ६५७ आवेदकलाई ७० कित्ताका दरले सेयर बाँडफाँड गरिएको छ। उनीहरुले कुल ३ लाख २५ हजार ९९० कित्ता बाँडफाँड गरिएको क्यापिटलले जनाएको छ।

क्यापिटलका अनुसार ८० कित्तादेखि ३ हजार कित्तासम्म सेयर माग गर्ने तिनै आवेदनकमध्ये ६९१ जनालाई भने थप १० कित्ताका दरले ६ हजार ९१० कित्ता बाँडफाँड गरिएको छ।

सरकारले स्टिलजन्य वस्तुको निर्यातमा नगद अनुदानको व्यवस्था गरेसँगै चालु आर्थिक वर्षको ११ महिनामा हालसम्मकै उच्च निर्यात भएको भन्सार विभागको तथ्याङ्कले देखाउँछ । विभागको तथ्याङ्कअनुसार ९ अर्ब ८९ करोड ९६ लाख रुपैयाँको ७ करोड ५६ लाख ९२ हजार केजी स्टिलजन्य वस्तु निर्यात भएको छ ।

गत वर्षको सोही अवधिमा नेपालले ३ अर्ब २९ करोड २८ लाख रुपैयाँको आइरन र स्टिलजन्य वस्तु निर्यात गरेको थियो । साथै, गत वर्षमा नेपालबाट ३ अर्ब ८७ करोड ६७ लाख रुपैयाँको स्टिलजन्य वस्तु निर्यात गरेको छ ।

नेपालले भारतमा मात्रै ९ अर्ब १६ करोड ७६ लाख रुपैयाँको ७ करोड ५२ लाख ८३ हजार केजी स्टिलजन्य वस्तु निर्यात गरेको छ ।

नेपालले रोमनियामा ७ करोड २२ लाख रुपैयाँको ४ लाख ९ हजार केजी र ताइवानमा २ लाख रुपैयाँको ११ सय ५० केजी स्टिलजन्य वस्तु निर्यात गरेको छ ।

सरकारले उच्च निर्यात सम्भावना भएका क्लिंकर, सिमेन्ट, स्टील, फुटवेयर, प्रशोधित पानी, सूचना प्रविधिमा आधारित सेवा तथा बिजनेस प्रोसेस आउटसोर्सिङ जस्ता सेवाहरु पहिचान गरी निर्यात गर्नेले ८ प्रतिशत निर्यात अनुदान पाउने व्यवस्था गरेको थियो ।

चुलिँदो ब्यापार घाटा कम गर्न र आन्तरिक उत्पादन बढाई विदेशी मुद्राको भण्डारण बलियो बनाउने उदेश्यले सरकारले निर्यातमा प्रोत्साहन गर्दै ८ प्रतिशतसम्म नगद अनुदान दिने घोषणा चालु आर्थिक वर्षको बजेटमा गरेको थियो । उक्त बजेटमा अनुदानको व्यवस्था गरेसँगै निर्यातमा उछाल आएको छ ।