अन्तर्राष्ट्रिय बजारमा बहुमूल्य धातुहरूको मूल्यमा गिरावट आएको छ।

बजार तथ्याङ्कअनुसार, आज सुनको मूल्य ०.९३ प्रतिशत अर्थात ३४ अमेरिकी डलरले घटेर प्रतिऔंस ३,६५४ डलरमा कारोबार भइरहेको छ। पछिल्ला दिनमा अमेरिकी डलरको मजबूती र ब्याजदर वृद्धि सम्बन्धी अड्कलबाजीले सुनको मागमा दबाब परेको विश्लेषकहरूको भनाइ छ।

यस्तै, चाँदीको मूल्य पनि आज घटेको छ। चाँदी ०.३२ डलरले कम भई प्रतिऔंस ४२.२६ डलरमा कारोबार भइरहेको छ। उद्योग र आभूषण क्षेत्रबाट माग कम हुनु र लगानीकर्ताको सावधानीपूर्ण मनोवृत्तिले चाँदीको मूल्यमा दबाब पारेको मानिएको छ।

विशेषज्ञहरूका अनुसार, अमेरिकी फेडरल रिजर्भको नीतिगत निर्णय र विश्व अर्थतन्त्रबारे आउने नयाँ तथ्याङ्कले आगामी दिनमा बहुमूल्य धातुहरूको मूल्य निर्धारणमा महत्वपूर्ण भूमिका खेल्नेछन्।

सन नेपाल लाइफ इन्स्योरेन्सले आफ्नो बीमाशुल्क भुक्तानी ई सेवा र खल्ती मार्फत गर्ने ग्राहकहरूका लागि क्यासब्याक अफर ल्याएको छ।

कम्पनीले जनाएको अनुसार बीमालेख नवीकरण मिति अगावै वा नवीकरण मिति पछि सात दिनभित्र प्रिमियम तिर्ने ग्राहकले बीमाशुल्कको ०.५ प्रतिशत वा अधिकतम एक हजार रुपैयाँसम्म क्यासब्याक पाउनेछन्। यो अफर असोज १ देखि मंसिर २९, २०८२ सम्म लागू हुने छ।

कम्पनीका अनुसार, यस योजनाले डिजिटल भुक्तानीलाई प्रोत्साहन गर्नुका साथै बीमा सेवा अझ सहज, सुरक्षित र ग्राहकमैत्री बन्ने अपेक्षा गरिएको छ।

थप जानकारीका लागि ९८०१२३४४४४ वा ०१-४५३६१२६/२७/२८ मा सम्पर्क गर्न सकिनेछ। साथै, support@sunlife.com.np मा इमेल पठाउन सकिनेछ।

नेपाल स्टक एक्सचेञ्ज (नेप्से) र नेपाल धितोपत्र बोर्ड (सेबोन) दुवै संस्थाले सेयर कारोबारको अन्तिम १५ मिनेटको औसत मूल्य लिएर सूचक गणना गर्ने नियम हटाउने तयारी गरेको संकेत दिएका छन्।

देशको पूँजीबजारका प्रमुख नियामक निकायहरू यस विषयमा एकमत देखिएका हुन्। लामो समयदेखि लगानीकर्ताहरूले यस नियमको विरोध गर्दै आएका थिए। हालैको जेनजी आन्दोलनपछिको बजार प्यानिक अवस्थाले यस्तो नियमले नकारात्मक प्रभाव पारिरहेको भन्दै लगानीकर्ताको माग थप सशक्त बनेको हो।

नियामक निकायको तयारी

नेप्सेस्थित उच्च स्रोतका अनुसार, नेप्सेले आजै धितोपत्र बोर्डलाई आधिकारिक पत्र पठाउने तयारी गरेको छ। सो पत्रमा १५ मिनेट औसत नियम हटाउने प्रस्तावसहित लगानीकर्ताको सम्पत्तिमा कम क्षति पुग्ने उपायबारे सुझाव रहनेछ।

धितोपत्र बोर्डले पनि उक्त पत्र आएलगत्तै सञ्चालक समितिको आकस्मिक बैठक बोलाएर निर्णय लिने तयारी गरेको जनाएको छ। बोर्डका उच्च स्रोतका अनुसार, नेप्सेको प्रस्ताव र लगानीकर्ताको मागलाई ध्यानमा राखेर छिट्टै निर्णय हुने सम्भावना छ।

पृष्ठभूमि

अन्तिम १५ मिनेटको औसत मूल्य लिएर नेप्से सूचक गणना गर्ने प्रणाली लगानीकर्ताबीच विवादास्पद बनेको थियो। यसले बजारको वास्तविक अवस्थाभन्दा फरक सन्देश दिन्छ भन्ने आलोचना हुँदै आएको छ।

विशेषगरी हालको राजनीतिक अस्थिरता र बजारमा देखिएको उतारचढावबीच यस्तो नियम हटाएर कारोबारलाई पारदर्शी र सहज बनाउनु आवश्यक रहेको विश्लेषकहरूको धारणा छ।