काठमाण्डौ — बिन्ध्यवासिनी हाइड्रोपावर डेभलपमेन्ट कम्पनी लिमिटेडका ९६ लाख ७१ हजार ८८ कित्ता सेयरको लक-इन अवधि आजबाट समाप्त भएको छ। कम्पनीका संस्थापक सेयर, आयोजना प्रभावित क्षेत्रका स्थानीय बासिन्दा र कर्मचारीका लागि सुरक्षित गरिएको सेयरको लक-इन अवधि असार २ गतेबाट अन्त्य भएको हो।
कुल खुला भएको सेयरमध्ये ८४ लाख ७३ हजार ५ सय कित्ता संस्थापक सेयर रहेका छन्। यस्तै आयोजना प्रभावित क्षेत्रका बासिन्दालाई बाँडफाँड गरिएको ११ लाख २९ हजार ८ सय कित्ता र कर्मचारीका लागि सुरक्षित गरिएको ६७ हजार ७८८ कित्ता सेयरको लक-इन अवधि समाप्त भएको हो।
यद्यपि, संस्थापक सेयरधनी तथा कम्पनीको उच्च व्यवस्थापन तहमा कार्यरत कर्मचारीको हकमा नेपाल धितोपत्र बोर्डको नियम अनुसार सेयर अझै रोक्का रहने कम्पनीले जनाएको छ।
यस सँगै बजारमा बिन्ध्यवासिनी हाइड्रोपावरको सेयर खरिद-बिक्रीमा थप तरलता आउने अपेक्षा गरिएको छ।
पिपुल्स पावर लिमिटेडको हकप्रद सेयर सुरक्षित गर्ने आज अन्तिम दिन रहेको छ । कम्पनीले १ः०.५० अनुपातमा हकप्रद सेयर निष्कासनका लागि असार २ गते बुक क्लोज गर्दैछ। यसर्थ आजसम्म नेप्सेमा कारोबार भई कायम हुने सेयरधनीहरु मात्रै कम्पनीद्वारा जारी गरिने हकप्रद खरिदका लागि योग्य हुनेछन् ।
कम्पनीले १ः०ं५ अनुपातमा प्रति सेयर रू. १०० दरका ३१ लाख ६३ हजार कित्ता साधारण सेयर हकप्रद निष्कासन गर्नेछ । कम्पनीको हकप्रद निष्कासन तथा बिक्री प्रबन्धकको रुपमा प्रभु क्यापिटल रहेको छ । । कम्पनीले नेपाल धितोपत्र बोर्डबाट जेठ २ गते हकप्रदका लागि स्वीकृती प्राप्त गरेको थियो ।
दरमखोला हाईड्रो इनर्जी लिमिटेडले असार ९ गतेदेखि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपाली नागरिकका लागि प्रारम्भिक सार्वजनिक निष्कासन (आईपीओ) खुला गर्ने भएको छ। कम्पनीले कुल १० लाख ८८ हजार ८९० कित्ता साधारण सेयर बिक्रीका लागि सार्वजनिक गर्ने जनाएको छ।
नेपाल धितोपत्र बोर्डबाट प्राप्त अनुमतिअनुसार कम्पनीले ३९ करोड ५० लाख रुपैयाँ बराबरको ३९ लाख ५० हजार कित्ता साधारण सेयर जारी गर्न पाउने स्वीकृति पाएको हो। त्यसअनुसार, आयोजना प्रभावित क्षेत्रका लागि जारी पूँजीको १० प्रतिशत अर्थात् १० लाख ३० हजार ५ सय कित्ता सेयर र वैदेशिक रोजगारीमा रहेका नेपालीका लागि ५८ हजार ३९० कित्ता सेयर छुट्याइएको छ।
आवेदन सीमा र अवधि
आयोजना प्रभावित क्षेत्रका बासिन्दाले न्यूनतम १० कित्ता र अधिकतम ५० हजार कित्तासम्म आवेदन दिन सक्नेछन्। यस्तै, वैदेशिक रोजगारीमा रहेका नेपाली नागरिकले पनि सोही सीमा भित्र आवेदन दिन सक्नेछन्।
आयोजना प्रभावित क्षेत्रका लागि आईपीओ छिटोमा असार २३ गते र ढिलोमा साउन ६ गतेसम्म खुला रहनेछ। वैदेशिक रोजगारीमा रहेका नेपालीका लागि भने आईपीओ असार २३ गतेसम्म बन्द हुनेछ।
आवेदन दिन सकिने स्थान
आयोजना प्रभावित क्षेत्रका बासिन्दाले बिक्री प्रबन्धकले तोकेको बैंक तथा वित्तीय संस्था, ग्लोबल आइएमई बैंकको वामी शाखा, लक्ष्मी सनराइज बैंकको गलकोट शाखा, प्रभु बैंकको गलकोट शाखा, दरमखोला पावर हाउस लगायत स्वीकृत संकलन केन्द्रहरुमा आवेदन दिन सक्नेछन्। वैदेशिक रोजगारीमा रहेका नेपालीहरुले धितोपत्र बोर्डबाट स्वीकृत सम्पूर्ण आस्वा सदस्य बैंक तथा वित्तीय संस्थाहरु, तिनका शाखा तथा मेरोसेयर अनलाइन प्रणालीमार्फत आवेदन दिन सक्नेछन्।
कम्पनीको आईपीओ निष्कासन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ। पहिलो चरणको आईपीओ बिक्रीपछि दोस्रो चरणमा कम्पनीले आम सर्वसाधारणका लागि जारी पूँजीको २८.३३ प्रतिशत अर्थात् २९ लाख १९ हजार ५ सय कित्ता सेयर निष्कासन गर्नेछ।
काठमाडौं, असार १ — कुमारी बैंक लिमिटेडले विभिन्न संस्थापक सेयरधनीहरुको स्वामित्वमा रहेको ५ लाख ६ हजार ९७२ कित्ता संस्थापक सेयर बिक्रीमा राखेको छ। बैंकले आजदेखि यस सेयर बिक्री प्रक्रिया सुरु गरेको हो।
बैंकका अनुसार यस संस्थापक सेयर खरिदका लागि इच्छुक जो कोही व्यक्ति वा कम्पनीले आवेदन दिन सक्नेछन्। यसअघि बैंकले आफ्ना विद्यमान संस्थापक सेयरधनीहरुलाई सेयर खरिदको प्रस्ताव गरेको थियो, तर कुनै आवेदन नपरेपछि बैंकले आम सर्वसाधारणका लागि बिक्री प्रक्रिया अघि बढाएको हो।
सेयर खरिद गर्न चाहने लगानीकर्ताले सूचना प्रकाशित भएको मितिले ३५ दिनभित्र आवेदन दिनुपर्नेछ। आवेदन कुमारी बैंकको केन्द्रीय कार्यालय (टंगाल) वा सेयर रजिष्ट्रार कुमारी क्यापिटलमा बुझाउनु पर्नेछ। सेयरको मूल्य भने बिक्रेताले तोकेको मूल्यअनुसार हुनेछ।
बैंकले इच्छुक लगानीकर्ताहरुलाई तोकिएको समयसीमा भित्र आवेदन दिन आग्रह गरेको छ।
ट्रेड टावर लिमिटेडको प्राथमिक शेयर (आईपीओ) बाँडफाँड आज सम्पन्न भएको छ। धितोपत्र बिक्री प्रबन्धक लक्ष्मी सनराइज क्यापिटल लिमिटेडले काठमाडौँको गौशालास्थित होटल क्रिस्टल पशुपतिमा आज बिहान साढे ९ बजे गोलाप्रथाबाट बाँडफाँड गरेको हो।
कम्पनीले गत जेठ १४ गतेदेखि २० गतेसम्म सर्वसाधारणका लागि आईपीओ निष्कासन गरेको थियो। उक्त आईपीओमा २० लाख ७४ हजार २८५ जना आवेदकबाट २ करोड ४१ लाख १७ हजार ४८० कित्ता सेयरका लागि आवेदन परेको बिक्री प्रबन्धकले जनाएको छ।
जम्मा २० लाख ५९ हजार ३८८ जना आवेदकको आवेदन रितपूर्वक स्वीकृत भएको थियो। ट्रेड टावर लिमिटेडले सर्वसाधारणका लागि निष्कासन गरेको सेयर संख्या भन्दा बढी आवेदन परेको हुँदा गोलाप्रथाबाट बाँडफाँड गरिएको हो। बाँडफाँडमा न्यूनतम १० कित्ता सेयरका दरले ३ लाख २९ हजार ६५० जना भाग्यमानी लगानीकर्ताले सेयर पाएका छन्। बाँकी सेयर भने १० कित्ता बाँडफाँडमा परेका मध्ये २० देखि १००० कित्तासम्म आवेदन दिएका आवेदकहरुलाई पुनः गोलाप्रथाबाट बाँडफाँड गरिएको छ।
आईपीओ बाँडफाँड नेपाल धितोपत्र बोर्डका प्रतिनिधि, बिक्री प्रबन्धक तथा कम्पनीका प्रतिनिधिहरुको रोहबरमा सम्पन्न भएको हो। बाँडफाँडको नतिजा मेरोडम्याट र सीडीएस एण्ड क्लियरिङ लिमिटेडको आधिकारिक वेबसाइटमार्फत हेर्न सकिने छ।
काठमाडौं । विश्व बजारमा सुनको मूल्यले फेरि नयाँ उचाइ छोएको छ। आजको कारोबारमा सुनको मूल्य १.५० प्रतिशत अर्थात ५०.५७ डलरले उकालो लाग्दै प्रतिऔंस ३,४३० डलर पुगेको हो।
यसको मुख्य कारण हालसालै इजरायलले इरानमाथि गरेको आक्रमण र त्यसपछिको भू–राजनीतिक तनाव हो, जसले सुरक्षित लगानीका रूपमा चिनिने सुनतर्फ लगानीकर्ताहरूको आकर्षण बढाएको छ।
📊 आजको बहुमूल्य धातु मूल्य विवरण (अन्तर्राष्ट्रिय बजारमा):
सुनको मूल्य पछिल्ला केही महिनादेखि उकालो लाग्ने क्रममा रहेकामा आज पुनः ३४ सय डलर माथि पुग्नुले सुनमा लगानी गर्नेहरूका लागि सकारात्मक संकेत दिएको विश्लेषकहरू बताउँछन्।
🔍 विश्लेषकहरूका अनुसार यदि यो भू-राजनीतिक अस्थिरता जारी रह्यो भने आगामी दिनमा पनि बहुमूल्य धातुको मूल्य अझै उकालो लाग्ने सम्भावना रहेको छ।
👉 नेपाली बजारमा यसको असर भोलिदेखि देखिन सक्नेछ।
काठमाडौं । जोशी हाइड्रोपावर लिमिटेडले आफ्नो हकप्रद सेयर निष्कासनका लागि असार ८ गते बुक क्लोज मिति तय गरेको छ। कम्पनीको जेठ २८ गते बसेको सञ्चालक समितिको बैठकले १ः०.६५ अनुपातमा हकप्रद सेयर निष्कासन गर्ने निर्णय गर्दै सो प्रयोजनका लागि बुक क्लोज गर्ने मिति तोकेको हो।
📌 महत्वपूर्ण विवरणहरू:
यस अनुसार, हाल कायम रहेका सेयरधनीहरूले प्रत्येक १० सेयरमा ६.५ सेयर बराबरको हकप्रद सेयर खरिद गर्न सक्नेछन्।
क्रेडिट रेटिङ:
कम्पनीलाई CARE Ratings Nepal ले “CARE-NP B (IS)” अर्थात सिंगल बी रेटिङ प्रदान गरेको छ, जसले उच्च जोखिम जनाउने संकेत गर्छ।
🏦 बिक्री प्रबन्धक:
हकप्रद सेयर निष्कासन तथा बिक्री प्रबन्धकको रूपमा लक्ष्मी सनराइज क्यापिटल लिमिटेड रहनेछ।
📋 जोशी हाइड्रोपावरले नेपाल धितोपत्र बोर्डबाट जेठ २६ गते हकप्रद सेयर निष्कासनका लागि आवश्यक स्वीकृति प्राप्त गरिसकेको छ।
👉 इच्छुक सेयरधनीहरूले समयमै आफ्नो नाम कायम गरी हकप्रद सेयरमा सहभागी हुने अवसर सुनिश्चित गर्न असार ७ गतेभित्र सेयर किनबेच गर्नुपर्नेछ।
सानिमा रिलायन्स लाइफ इन्स्योरेन्स कम्पनी लिमिटेडले २ लाख ४९ हजार ७७३ कित्ता संस्थापक सेयर आज (असार १ गते)देखि आम सर्वसाधारणका लागि बिक्रीमा ल्याएको छ।
यसअघि कम्पनीले ३५ दिने सूचना प्रकाशित गरी संस्थापक सेयरधनीहरूलाई प्राथमिकता दिँदै सेयर बिक्रीको प्रस्ताव ल्याएको थियो। तर उक्त अवधिमा कुनै आवेदन नपरेपछि अब सबै इच्छुक व्यक्ति तथा कम्पनीले सेयर खरिद गर्न सक्ने व्यवस्था गरिएको हो।
📌 महत्वपूर्ण जानकारी:
कम्पनीका अनुसार इच्छुक लगानीकर्ताहरूले तोकिएको समयभित्र आवश्यक कागजातसहित आवेदन दिई संस्थापक सेयर खरिदमा सहभागी हुन सक्नेछन्।
यो सेयर अवसर कम्पनीको दीर्घकालीन स्थायीत्व र बीमा क्षेत्रमा बढ्दो पहुँचमा विश्वास गर्ने लगानीकर्ताहरूका लागि आकर्षक हुनसक्छ।
थप जानकारी वा आवेदन प्रक्रिया सम्बन्धी विवरणका लागि कम्पनीको केन्द्रीय कार्यालय वा सम्बन्धित शेयर प्रबन्धक संस्थासँग सम्पर्क राख्न सकिनेछ।
हिमालयन बैंक लिमिटेडले संस्थापक सेयरधनी हविव बैंक लिमिटेडको संस्थापक सेयर बिक्रीमा राखेको छ । हविव बैंकले मूल्य तोकी एकमुष्ट सम्पूर्ण संस्थापक सेयर अर्थात २ करोड ८० लाख १२ हजार ४४७.४५ कित्ता संस्थापक सेयर बिक्रीका लागि निवेदन दिएकाले उक्त सेयर बिक्रीमा राखिएको हिमालयन बैंकले जनाएको छ ।
यो सेयर खरिदका लागि बैंकको विद्यमान संस्थापक सेयरधनीहरुले मात्रै खरिद आवेदन दिन सक्नेछन् । संस्थापक सेयरधनीहरुले सूचना प्रकाशित भएको ३५ दिनभित्र आवेदन दिनु पर्नेछ । यस्तो आवेदन काठमाण्डौको कमलादीमा रहेको बैंकको कानून विभागमा पेश गर्नुपर्नेछ ।
सेयरको न्यूनतम प्रतिकित्ता मूल्य ११२.८० रुपैयाँ निर्धारण गरिएको छ ।
उक्त निर्धारित मितिभित्र संस्थापक सेयरधनीहरुबाट सेयर खरिदका लागि आवेदन नपरेमा अन्य व्यक्ति तथा कम्पनीलाई सेयर बिक्री प्रक्रिया अघि बढाइने बैंकले जनाएको छ ।
