नेपाल विद्युत प्राधिकरणका कार्यकारी निर्देशक कुलमान घिसिङले करिब ५ देखि ६ खर्बको लगानी गरेपछि मात्रै युरोपको जस्तो विद्युत २४ घण्टा पाउन सकिने बताएका छन ।

न्युज एजेन्सी नेपालले आयोजना गरेको निजी र सार्वजनिक सवारी साधनको प्रयोगमा देखिएका समस्या र समाधान विषयक अन्तरक्रिया कार्यक्रममा कार्यकारी निर्देशक घिसिङले विद्युतीय सार्वजनिक तथा निजी सवारी साधनमा वृद्धि हुँदा नेपालमा उत्पादित विद्युतले नपुगे भारतबाट विद्युत आयात गरेर भएपनि प्राधिकरणले १०० प्रतिशत विद्युत ग्यारेन्टी गर्ने प्रतिवद्धता व्यक्त गरे ।

कार्यकारी निर्देशक घिसिङले विद्युतीय सवारी साधन बढ्दै जाँदा विद्युत अभाव हुने मान्छेहरुलाई चिन्ता लागे पनि विद्युतीय सवारी साधनका लागि विद्युत अभाव नहुने बताए ।

विद्युतीय सवारी साधनको लागि जति पनि विद्युत पुग्ने भन्दै हेरक वर्ष प्राधिकरणले १ हजार मेगावाट विद्युत थप गरिरहेको उनको भनाइ छ ।

विद्युत आयात गरेर विद्युतीय सवारी साधन चलायो भने पनि प्राधिकरणलाई १५ गुणा नाफा रहेको उनले बताए ।

भारतबाट विद्युत आयात गर्दा ४ रुपैयाँ पर्ने घिसिङले बताए ।

इन्डक्सन चुलो चलाउनु पर्ने भन्दै उनी भन्छन – ‘गाउँ गाउँमा इन्डक्शन चुलो बालौं । एकछिन विद्युत जाँदैमा दाउरा बाल्यौं । इन्डक्शन चुलो २४ सै घण्टा विद्युत भयो भने मात्रै बाल्छु भनेर मात्रै हुँदैन । विकल्प हामीसँग छ । कुनै समय विद्युतमा समस्या हुँदा विकल्प छ भन्ने हिसावले अघि बढ्नुपर्छ’ उनले भने ।

‘विद्युतीय सवारी साधनमा समस्या देखिँदैन । रातभर,दिनभर र २४ सै घण्टा चार्ज गर्दा पनि भयो । त्यसमा समस्या गर्दैन । विद्युतीय सवारी साधन बढ्दै छ । विद्युत पुग्छ की पुग्दैन भन्ने मान्छेहरुलाई चिन्ता छ । धेरै विद्युतीय सावरी साधन आउँदा लोडसेडिङ भयो भने के गर्ने ? विद्युतीय सवारी साधनलाई विद्युत नपुग्ने कुरा नगरौं,’घिसिङले भने, ‘ प्राधिकरणले निर्यात गरिरहेको छ । बरु निर्यात कम गरौंला । प्राधिकरणले मुलुकभित्रै विद्युत खपत बढाउने भनेका छौं । विद्युतीय सवारी साधनको लागि जति पनि विद्युत पुग्छ । हेरक वर्ष प्राधिकरणले १,००० मेगावाट विद्युत पथ गरिरहेका छौं । विद्युतीय गाडीको लागि यदि कुनै महिना पुगेन भने विद्युत आयात गरेर विद्युतीय सवारी साधन चलायो भने पनि प्राधिकरणलाई १५ गुणा नाफा छ ।’

विद्युतीय सवारी साधनलाई प्रोत्साहन गर्न चार्जिङ स्टेशन राख्नुपर्छ भनेर देशभरका ५१ स्थानमा स्मार्ट चाजिङ स्टेशनहरु राखेको बताए । साथ उनले ५१ स्थानमा चार्जिङ स्टेशन चलिरहेको बताए ।

सुर्खेत,मुल्कोट,काठमाडौंको चार पाँच ठाउँमा चार्जिङ र विद्युत प्राधिकरणको कम्पाउण्ड भित्र रहेको चार्जिङ स्टेशन २४ घण्टामा २४ घण्टा लाइन लाग्ने गरेको उनको भनाइ छ ।

ठूलो लगानी गरेमात्र अन्यदेशमा जस्तो सधैं विजुली पाउने उनले बताए । ‘करिब ५ देखि ६ खर्बको लगानी गरेपछि मात्रै युरोपको जस्तो विद्युत २४ घण्टा पाउन सक्छौं । ठूलो लगानी ट्रान्समिसन,सवस्टेशनमा आवश्यक छ । विद्युत प्राधिकरणले नाफा मात्रै गर्‍यो भनिन्छ । नाफा नगरे विद्युतमा लगानी कस्ले गर्ने ? सबैलाई २४ घण्टा विद्युत दिनको लागि विद्युत उत्पादनले मात्रै पुग्दैन’उनले भने ।

भर्खरै लाइसेन्स पाएर कारोबार थालेको नयाँ ब्रोकर हिमालयन ब्रोकरेज कम्पनी (ब्रोकर नं. ६३)ले ग्राहकको सुविधाका लागि ऐतिहासिक घोषणा गरेको छ।

यो ब्रोकरले मात्र ९९९ रुपैयाँमा ग्राहकले डिम्याट खाता र मेरो सेयर खोल्न सक्ने तथा साथमा आजीवन नवीकरण हुने ब्यबस्था गरेको हो। जसअनुसार ग्राहकले हिमालयन ब्रोकरेजमा ९९९ रुपैयाँ तिरेर डिम्याट खाता र मेरो सेयर खोल्दा आजीवन नवीकरण हुनेछ।

यो योजना कात्तिक महिना नवदुर्गाको नवौँ दिनसम्मका लागिमात्र लागू हुने कम्पनीले जनाएको छ।

जापानका एक व्यक्ति आजकल आफ्नो अनौठो शौकका कारण चर्चामा छन्। 

टोको सानलाई कुकुर बन्ने मन थियो। जसलाई पूरा गर्न उनले कुकुरको जस्तै पोसाक बनाए। पहिरन लगाएर उनी अहिले कुकुरजस्तै बाँचिरहेका छन्। जुन देखेर वरपरका मानिसहरु छक्क पर्ने गरेका छन्। 

टोकोले कुकुर हुनुको एउटा पनि अनुभव गुमाउन चाहँदैनन्। त्यसैले उनले अहिले मान्छे खाने खाना त्यागेका छन्। 

ती जापानी युवाले लाखौँ खर्चेर कोली जातको कुकुरको पोसाक तयार पारेका छन्। त्यसपछि कुकुरको रुपमा देखिएका ती युवकले आफ्नो नाम पनि परिवर्तन गरेका छन्। अहिले उनी आफूलाई रफ कोली भनेर सम्बोधन गरिरहेका छन्। 

उनले आफ्नो दिनचर्या कुकुरका रुपमा युट्युबमार्फत मानिससँग सेअर गर्दै आएका छन्। जसलाई लाखौंले हेरिरहेका छन्।

कुकुर बन्ने आफ्नो सपना पूरा गर्न टोकोले कुकुरसँग सम्बन्धित सबै कुरा अपनाएका छन्। जसमा खानापान पनि समावेशन छ। उनले दिनमा तीनपटक खान्छन् र उसको आहारमा पौष्टिकतायुक्त कुकुरको खाना हुन्छ।

युट्युबमा सेअर गरिएको भिडियोमा टोकोले आफ्नी मालिकनीले दिएको कुकुरको खानाको मजा लिइरहेको देख्न सकिन्छ।

कुकुरले जस्तै टोकोले भोक लाग्दा मालिकनीसँग खाना माग्छ। उनी आफ्नो पुच्छर हल्लाउँदै खाना प्राप्त गर्न पर्खिरहन्छन्। कुकुरका लागि बनाइएको भाँडोमा खाना उनको अगाडि आउनेबित्तिकै टोकोले ठूलो उत्साहका साथ खाना चाटेर खान्छन्। त्यसका उनी आफ्नी मालिकनीलाई पुच्छर हल्लाउँदै कृतज्ञता व्यक्त गर्छन्।

भिडियोमा टोकोलाई धेरैपटक कुकुरको खाना खाएको देख्न सकिन्छ। टोकोको कुकुरको खाना खानेबारेमा मानिसहरुले धेरै प्रतिक्रिया दिइरहेका छन्। एक प्रयोगकर्ताले लेखे, ‘स्मार्ट टोको… दिनमा तीनपटक सन्तुलित आहार… तर व्यायाम गर्न पनि नबिर्स… आफ्नो सपना बाँच।’

कुकुर बनेपछि टोकोलाई कुकुरका लागि बनाइएको खोरमा सुत्न मन पर्छ। उनका लागि छुट्टै कोठा बनाइएको छ। जहाँ उनको खोर राखिएको छ। राती सुत्नुअघि उनी आफ्नी मालिकनीसँग खेल्छन्। त्यसपछि उनी आफ्नो खोरमा सुत्छन्। 

टोकोले आफ्नो युट्युबमा एउटा भिडियो सेयर गरेका छन्। जसमा मानिस र वास्तविक कुकुरको प्रतिक्रिया कस्तो थियो देखाइएको छ। जब उनी पहिलोपटक सडकमा कुनै रफ कोलीका रुपमा निस्किए।

टोको कुकुर बनेको देखेर मानिसहरु छक्क परे। पाँच मिनेटको भिडियोमा टोकोले कुकुर र मानिसलाई भेटेको देखिन्छ। भिडियोमा टोकोले ठ्याक्कै कुकुरको जस्तै व्यवहार गरेको देखिन्छ। केही कुकुर सुरुमा ठूला कुकुरलाई देखेर डराउँछन् तर पछि तिनीहरु उसको नजिक गएको देखिन्छ।

आफ्नो एउटा भिडियोमा आफूलाई बाल्यकालदेखि नै कुकुर बन्ने मन लागेको टोकोले बताएका छन्। अर्को भिडियोमा टोको कोक पिउँदै गरेको देखिन्छ। उनले दाँतको मद्दतले कोकको ढक्कन हटाउँछन् र त्यसपछि एउट स्ट्रका माध्यमबाट कोकको मज्जा लिन्छ।

टोकोले पनि कुकुरजस्तै बोलेर दर्शकलाई मनोरञ्जन दिन्छन्। टोकोको युट्युबमा ४० हजारभन्दा बढी सब्सक्राइबर छन् र उनको मनमोहक भिडियोमा लाखौँ भ्यु आइरहेका छन्। –एजेन्सी

२० लाख भन्दा बढी पैसासहित प्रहरीले एक जनालाई पक्राउ गरेको छ। उक्त रकमको स्रोत नखुलेकोले उक्त ब्याक्तिलाई हिरासतमा राखिएको छ ।

प्रहरी वृत्त कालीमाटीको टोलीले सोमबार दिउँसो काठमाडौंको कुलेश्वरबाट रकम सहित मानिसलाई नियन्त्रणमा लिएको हो। जुम्ला घर भई हाल काठमाडौंको दक्षिणकालीमा बस्दै आएका कञ्चन खत्रीलाई पक्राउ गरेको प्रहरीले जानकारी दिएको छ।

बाटोमा हिँडिरहेको अवस्थामा प्रहरिलाई शङ्का लागेपछी चेक गरिएको थियो ।

उनको साथमा रहेको झोलाबाट प्रहरीले २० लाख ५८ हजार ३ सय रुपैयाँ फेला पारेको हो।

घटनाको थप अनुसन्धान भइरहेको छ। रकम हुन्डीको हुन सक्ने प्रहरीको प्रारम्भिक अनुसन्धानमा देखिएको छ।

भारत सरकारले कच्चा पेट्रोलियम पदार्थ (पेट्रोलियम क्रुड)मा लाग्ने करलाई बढाएको छ ।

भारत सरकारले अप्रत्याशित र औसतभन्दा माथिको नाफा भएमा विशेष उद्योगहरूमा लगाइने उच्च कर (विन्डफल ट्याक्स) बढाएको हो । जसअनुसार यसअघि १६ सय भारतीय रुपैयाँ रहेको कर अब ४ हजार २५० रुपैयाँ प्रतिटन पुगेको छ ।

भारत सरकारले कर बढाएसँगै भारतबाट निर्यात हुने डिजेलमा पनि कर लाग्ने भएको छ । यसअघि निर्यातमा लाग्ने शुल्क शून्य रहेको डिजेलमा अब प्रतिलिटर एक भारतीय रुपैयाँ लाग्ने भएको अन्तर्राष्ट्रिय सञ्चारमाध्यमहरुले जनाएका छन्।

रोयटर्सकाअनुसार अगस्ट १ गतेदेखि यो कर लागु हुनेछ । पेट्रोल र हवाई इन्धनको निर्यातमा भने कुनै पनि शुल्क बढाइएको छैन ।

डिजेलको निर्यात शुल्कमा प्रति लिटर १ रुपैयाँ भएको शुल्कले भारतीय उपभोक्तालाई फरक नपर्ने भए पनि भारतबाट निर्यात भएर पुग्ने गन्तव्य मुलुकका उपभोक्तालाई भने यसले असर गर्नेछ ।

नेपालले भारतीय आयल कर्पोरेसनसँग पेट्रोलियम पदार्थ खरिद गर्दै आएको छ । भारतले कर बढाएसँगै त्यसको असर नेपालमा पनि पर्ने देखिएको छ । -एजेन्सी