बैंकमा जागिर गर्दा समय धेरै दिनु पर्छ तर त्यहिअनुसार कर्मचारीले धेरै सुविधा पाउँछन् र बोनस पाइरहेका हुन्छ्न । बोनस र सेवा सुबिधाले नै कर्मचारीलाई थप उर्जासिल बनाउछ ।
त्यसै सन्दर्भमा विभिन्न ११ वटा बैंकले गत आवमा कर्मचारीलाई दिने बोसन ब्रिद्धी गरेका छन् ।
अघिल्लो आवभन्दा गत आवमा नबिल बैंकले कर्मचारीलाई दिने बोनस ५१.८० प्रतिशतले बढाएर १ अर्ब १९ करोड ८२ लाख ७० रुपैयाँ छुट्याएको छ ।
यस्तै ग्लोबल आइएमई बैंकले कर्मचारीलाई दिने बोनसका लागि छुट्याईएको रकम अघिल्लो आवको सोही अवधिको तुलनामा ३६.५३ प्रतिशतले बढाएर १ अर्ब १२ करोड २६ लाख ६० हजार पुर्याईएको छ ।
यस्तै एनआईसी एशिया बैंकले कर्मचारीका लागि बोनस बापत गत आवमा अघिल्लो आबको तुलनामा ०।५८ प्रतिसत बढाएर ७१ करोड ९७ लाख ८० हजार पुर्याएको छ ।
स्टयान्डर्ड चार्टर्ड बैंकले कर्मचारीलाई बोनसका लागि दिने रकम ५५.३६ प्रतिशतले बढाएर ५५ करोड ९७ लाख ५० हजार रुपैयाँ छुट्याएको छ ।
नेपाल बैंकले कर्मचारीलाई बोनस दिनका लागि अघिल्लो आवको तुलनामा गत आवमा ३.५६ प्रतिशत बढी अर्थात २३ करोड ६० लाख ३० हजार रुपैयाँ छुट्याएको छ ।
एभरेष्ट बैंकले कर्मचारीलाई दिने बोनस ३० प्रतिशतले बढेर ५२ करोड ३८ लाख ५० हजार रुपैयाँ पुगेको छ ।
कृषि विकास बैंकले गत आवमा कर्मचारी बोनस १७.३३ प्रतिशतले बढाएर २४ करोड ४५ लाख २० हजार रुपैयाँ छुट्याएको छ ।
लक्ष्मी बैंकले कर्मचारीलाई बोनस बापत दिने रकम ४१.४९ प्रतिशतले बढेर ३५ करोड ५० लाख २० हजार रुपैयाँ पुगेको छ ।
प्रभु बैंकले कर्मचारीको बोनसका लागि ८.९१ प्रतिशतले बढाएर ४५ करोड २६ लाख ४० हजार रुपैयाँ छुट्याएको छ ।
यस्तै सानिमा बैंकले कर्मचारी बोनसका लागि अघिल्लो आवको सोही अवधिको तुलनामा १४.१८ प्रतिशतले बढाएर ४१ करोड १९ लाख १० हजार रुपैयाँ छुट्याएको छ ।
त्यस्तै, नेपाल एसबिआई बैंकले कर्मचारीको बोनसका लागि ३५.३८ प्रतिशतले बढेर ३५ करोड ७८ लाख ६० हजार रुपैयाँ छुट्याएको देखिन्छ ।
