भियतनामको सेयर बजार पछिल्लो ३ वर्षकै उच्च विन्दुमा पुगेको छ । भियतनामको सेयर बजार मापक इन्डेक्स ०.३ प्रतिशतले बढ्दै ३ वर्षकै उच्च कायम भएको हो ।

बुधबार अमेरिकी राष्ट्रपति डोनाल्ड ट्रम्पले अमेरिका र भियतनामबीच व्यापारिक सम्झौता हुने घोषणा गरेसँगै भियतनामको सेयर बजारमा हरियाली छाएको हो ।

यस्तै आज जापानको सेयर बजार पनि बढेको छ । जापानको निक्की२२५ इन्डेक्स ०.०५९ प्रतिशत, दक्षिण कोरियाको कोस्पी १.०४ र चीनको एसएसई कम्पोजिट ०.०७४ प्रतिशतले बढेको छ ।

अमेरिकी प्रविधि कम्पनी माइक्रोसफ्टले करिब ९ हजार कर्मचारीलाई हटाउने योजना बनाएको छ । यो वर्षको दोस्रो ठूलो ले–अफ हुनेछ। दुई महिनाअघि कम्पनीले करिब ६ हजार कर्मचारीलाई निकालेको थियो ।

सिएनबीसीको रिपोर्ट अनुसार यो कटौतीबाट कम्पनीका ४ कर्मचारीहरू प्रभावित बन्नेछन्। परिवर्तनशील बजारमा सफल हुन सकियोस भन्ने अभिप्रायका साथ संस्थामा यस्ता परिवर्तनहरु निरन्तर गर्दै आएको कम्पनीले जनाएको छ । कम्पनीले सन् २०२३ मा १० हजार कर्मचारीलाई निकालेको थियो ।

माइक्रोसफ्टमा सन् २०२४ को जुनसम्ममा २ लाख २८ हजार कर्मचारी थिए तर कम्पनीले पछिल्ला दुई वर्षमा हजारौं मानिसलाई निकालेको छ। यस वर्षको लेअफ वर्ष कम्पनीको इतिहासमा सबैभन्दा ठूलो कटौती वर्ष हो।

माइक्रोसफ्टको सेयर पछिल्लो एक वर्षमा ७ प्रतिशतले बढेको छ । एकै समयमा, यो वर्ष यो १७ प्रतिशतले बढेको छ। जुलाई २ मा, कम्पनीको सेयर प्रतिकित्ता ४९१ डलरमा कारोबार भईरहेको छ ।

यसरी कर्मचारी निकाल्ने माइक्रोसफ्ट एक्लो कम्पनी भने होइन । सामाजिक सञ्जाल फेसबुक र व्हाट्सएपको मूल कम्पनी मेटाले यस वर्षको जनवरीमा आफ्ना ३६०० कर्मचारीलाई निकालेको थियो। मेटाले कार्यसम्पादनमा आधारित रोजगार कटौती नीति अन्तर्गत यो निर्णय गरेको हो । कम्पनीका करिब ५ प्रतिशत कर्मचारी यसबाट प्रभावित भएका छन् ।

नेशनल लघुवित्त वित्तीय संस्था ११ औं वर्ष पार गरेर १२ औं वर्षमा प्रवेश गरेको छ । विसं २०७१ असार १८ गतेबाट आफ्नो कारोबारको थालनी गरेको संस्थाले १२ औं वार्षिकोत्सव मनाएको हो ।

यस उपलक्ष्यमा संस्थाका १८५ वटै शाखा कार्यालयहरु तथा केन्द्रीय कार्यालयमा विशेष कार्यक्रमको आयोजना गरिएको छ । कार्यक्रममा काभ्रे बहिरा विद्यालयलाई खाद्यान्न तथा शैक्षिक सामाग्री हस्तान्तरण, रक्तदान कार्यक्रम,बृद्धाश्रमलाई सहयोग, सरसफाई कार्यक्रम, प्रहरी कार्यालयलाई सहयोग, परोपकारी संस्थालाई सहयोग, वित्तीय साक्षरताका कार्यक्रम साथै विभिन्न सामाजिक क्रियाकलपामा भाग लिई वार्षिक उत्सव मनाईएको संस्थाले जनाएको छ ।

संस्थाले यस अबधि सम्म ७४ जिल्लाका १८५ वटा शाखा कार्यालय मार्फत२ लाख ४६ हजार घर परिवारमा आफ्नो सेवाविस्तार गरी उनीहरूलाई रू.२५ अर्ब १५ करोड कर्जा लगानी गरेको साथै सदस्यहरूबाट करिव रू.७ अर्ब बचत परिचालन गरेको छ ।

गैर वित्तीय कार्यक्रममा ग्राहकहरुलाई वित्तीय साक्षरता, विभिन्न तालिम तथा उद्यमशिलता विकाश, ग्राहकहरुको प्रविधिमा पहुंच अभिबृद्धिका साथै डिजिटल बैकिङ सेवालाई प्रभावकारी बनाउदैै लगिने साथै सामाजिक क्रियाकलापलाई उच्च प्राथमिकतामा राखी असद्ध वढ्ने विषयमा संस्थाका प्रमुख कार्यकारी अधिकृत रामवहादुर यादवले जानकारी गराए ।

स्वावलम्बन लघुवित्त वित्तीय संस्थाले वातावरणमैत्री गाउँ निर्माणसम्बन्धी अन्तरक्रिया कार्यक्रम सम्पन्न गरेको छ । बुढानिलकण्ठ नगरपालिका स्थित डाँडागाउँ वस्तीलाई वातावरणमैत्री स्वावलम्बन गाउँ निर्माण गर्ने उद्देश्यले सरोकारवालाहरुसँग अन्तरक्रिया गरिएको हो ।

कार्वन उत्सर्जन न्यूनिरकण, फोहोर व्यवस्थापन र बृक्षारोपण गरी स्वच्छ वातावरण निर्माण गर्ने, उद्यमशीलता विकास गरी आयआर्जन वृद्धि तथा बेरोजगारी अन्त्य गर्न त्यहाँका जनता र सरोकारवालाहरुको समन्वयमा वातावरणमैत्री स्वावलम्बन गाउँ निर्माण गर्न आयोजना गरिएको अन्तरक्रियाकार्यक्रमको अध्यक्षता बालविकास समाज आधारभुत विद्यालय व्यवस्थापन समितिका अध्यक्ष अनिता तामाङले गरेकी थिइन् ।

प्रमुख अतिथि बुढानिलकण्ठ नगरपालिकाका नगर प्रमुख मिठाराम अधिकारी र विशिष्ट अतिथिनगर उप प्रमुख अनिता लामाको रहेको कार्यक्रममा केन्द्रीय कार्यालय उद्यमशीलता, ग्राहक संरक्षण तथा अनुसन्धान विभागका प्रबन्धक सुमन श्रेष्ठले वातावरण मैत्री स्वावलम्बन गाउँ निर्माणको अवधारणा सम्बन्धी प्रस्तुतीकरण गरेका थिए । प्रमुख अतिथि तथा नगर प्रमुख मिठाराम अधिकारीले वातावरण संरक्षण, उद्यमशीलता विकास र रोजगारी सृजना जस्त महत्वपुर्ण कुराहरु समेटेर वातावरणमैत्री गाउँ निर्माण गर्न अगुवाई गरेकोमा स्वावलम्बन लघुवित्त वित्तीय संस्थालाई धन्यवाद दिदै समाजको र समुदायको हित हुने यस प्रकारका पवित्र कार्यमा नगरपालिका आवश्यक सहयोग र समन्वय गर्न तत्पर रहेको बताए ।

नगर उपप्रमुख अनिता लामाले वातावरण मैत्री गाउँ निर्माण गर्ने कार्य अति जरुरी रहेको विशेष गरी बुढानिलकण्ठको डाँडागाउँ एक सुन्दर र रमणीय गाउँ भएको कारण पर्यटनको अथाह संभावना भएको तर फोहोर व्यवस्थापन चुनौतीपूर्ण रहेकोले फोहोर व्यवस्थापन गरी वातावरण संरक्षण गर्ने कार्यलाई प्राथमिकतामा राख्न सुझाव दिइन् । विद्यालयका प्रधानाध्यापक धोर्जे तामाङले डाडाँगाउको आजको मुल आवश्यकता यहाँको सुन्दरता र वातावरणको संरक्षण नै गनुपर्ने भएकोले विद्यालय, स्थानीय यूवाहरुको परिचालन तथा समन्वय गरी लक्ष्य हासिल गर्न मिलेर काम गर्ने बताए । कार्यक्रममा वित्तीय साक्षरता समेत प्रदान गरिएको थियो र वित्तीय साक्षरता कक्षाको सहजीकरण इलाका कार्यालय ठिमीका प्रबन्धक चेतनाथ बगालेले गरेका थिए ।

कार्यक्रममा स्थानीय व्यापारी, आमा सुमुहका प्रतिनिधी, विद्यार्थीहरु, स्वावलम्बन लघुवित्त वित्तीय संस्थाका सदस्यहरु तथा शाखा कार्यालय चुच्चेपाटीका कर्मचारीहरु र स्थानीय जनसमुदायको उल्लेख्य उपस्थिति रहेको थियो ।