नेप्से आज सुधार भएको छ । आज नेप्से ९२ अंकले बढेको छ ।

ब्याजदर घट्ने निर्णय भएपछी आज लगानिकर्ताको मनोबल बढ्दा नेप्से भारिमा मात्रामा बढेको हो । मुद्धती निक्षेपमा ९.९९ प्रतिसत भएको छ भने सङ्थागत मुद्धती निक्षेपमा ७.९९ प्रतिशत ब्यादरत कायम भएको छ । त्यस्तै बचतमा ५.४४ मिनिमम र अधिकतम ७.४४ प्रतिसत कायम गरिएको छ ।

एमएसिडिले बजारमा बाइ सिग्नल दिएको छ । आरएसआइ ५६ को बिन्दुमा छ । बोलिङगर ब्यान्डमा मध्य रेखा पार गरेर माथिल्लो बिन्दुतर्फ लागेको छ, यसरी बोलिन्गर ब्यान्डले पनि बाइ सिग्नल दिएको छ ।

बैंकहरुले वैशाखमा पुनः ब्याजदर कटौती गर्ने भएपछि चैत मसान्तको चापलाई पनि उछिनेर सेयर बजारले फराकिलो फड्को मारेको छ। बुधबार बैंकर्स संघले नयाँ वर्षबाट निक्षेपको ब्याजदर घटाउने निर्णय गरेको थियो ।

बैंकर बैठककै चरणमा हुँदा बजार बढ्न सुरु गरिसकेको थियो। निर्णय सार्वजनिक भएपछि बजारको वृद्ध झनै तीव्र रह्यो। जानकारहरु पनि बजार माथि धकेलिनुमा ब्याजदरले प्रमुख भूमिका खेलेको बताइरहेका छन ।

बैंकरले मुद्दतीको मात्रै नभएर बचत, कल खाता र संस्थागत निक्षेपको पनि ब्याजदर घटाएका हुन्। मुद्दती ९.९९ मा झरेको छ। यसले बैंकहरुको लागत सस्तिएर कर्जाको ब्याज पनि घट्छ।बुधबार सेयर बजारले ९२.२२ अंकले बढेर १९६३.५५ को विन्दुमा उक्लिएको छ। गत असार १२ यता यति फराकिलो अन्तरले बजार बढेको थिएन। सूचक अप्रिल सुरु भएयताकै उच्चतम विन्दुमा कायम छ। नभए अप्रिल लागेपछि बजार १९ सयभन्दा तल नै खेलिरहेको थियो। तेस्रो त्रैमास पनि नजिँकिदा बजारमा ब्याज भुक्तानी लगायतले दबाब बनाइरहेको अवस्था थियो।

तर, सोमबारदेखि भने बजारले हरियाली कायम गरिरहेको छ। निजी क्षेत्रलाई आश्वासन दिँदै प्रधानमन्त्री र अर्थमन्त्रीले ब्याजदर निश्चित रुपमा घटाउने भनेपछि सेयर लगानीकर्ताको मनोबल उचालिएको थियो। न्यूनतम साझा कार्यक्रममा पनि सरकारले ब्याजदर बारे गम्भीर टिप्पणी गरेको हो।त्यसअघि भने नयाँ अर्थमन्त्रीका रुपमा डा. प्रकाशशरण महतले उद्यमी, व्यवसायी, लगानीकर्ता, नियामक लगायतसँग भेटेर मनोबल बढाउन खोजे पनि त्यसलाई नपत्याइँदा बजार ओरालो लागिरहेको थियो। अर्थमन्त्रीबाट विष्णुप्रसाद पौडेल बाहिएर पछि बजार निरन्तर घट्दो छ।

तर ब्याजदर घटाउन प्रधानमन्त्री, अर्थमन्त्री र गभर्नरको संयुक्त पहल अघि बढेपछि बजार बढ्न थालेको हो। पौडेल बाहिरिएपछि अर्थमन्त्रालय र राष्ट्र बैंकको सम्बन्धमा लगानीकर्ताको संशय बढ्दा मनोबल खुम्चिएको अवस्था छ ।

तर, सोमबार निजी क्षेत्र, प्रधानमन्त्री, अर्थमन्त्री र गभर्नरसँगै एकै बैठकमा थिए। जहाँ ब्याजदर घटाउने विषयमा सबैले पहल गरेका हुन्। र गभर्नर पनि यसका सकारात्मक थिए। जस लगत्तै बजारमा वृद्धि अनुभव गरिएको थियो।

ब्याजदर घट्ने भएपछी लगानिकर्ताको मनोबल बढेको अवस्था छ , त्यसैले बजार उकालो लागेको छ ।

यस साता सेयर बजारको ओरालो यात्राले निरन्तरता पाएको छ । कारोबार भएको ५ दिनमा ४ दिन सेयर बजारमा गिरावट आयो । बुधबार भने ८.३९ अंकले नेपाल स्टक एक्सचेञ्ज (नेप्से) परिसूचक बढेको थियो । अन्य दिन भने नेप्से परिसूचक घटेको छ । आइतबार २० अंकले घटेको बजार सोमबार १६ अंक र मंगलबार ५ अंकले घटेको छ । बुधबार भने ८.३९ अंकले बढेको नेप्से परिसूचक बिहीबार ८.२८ प्रतिशतले घटेर कारोबार रोकिएको छ ।

करिब डेढ वर्षदेखि बजार क्रमशः घट्दै गएको छ । करिब ४४ खर्ब पुगेको बजार पुँजीकरण बिहीबारसम्म २७ खर्ब आसपासमा झरिसकेको छ । यसबीचमा करिब २० महिना लामो बियरिस ट्रेण्ड कहिले सकिएला ? यतिखेर मनमा यही प्रश्न खेलिरहेको लगानीकर्ताहरू बताउँछन् । सेयर बजार लगानीकर्ता केशव कोइराला अहिले सेयर बजारमा बियरिस ट्रेण्ड चलिरहेको भन्दै यो अझै केही समय लम्बिन सक्ने बताउँछन् । त्यसकारण लगानीकर्ताहरू संयमित भएर बस्नुपर्नेमा उनको जोड छ ।

नयाँ अर्थमन्त्रीको रूपमा डा. प्रकाशशरण महत आएसँगै सेयर बजारका लगानीकर्ताहरूले विभिन्न लबिङलाई तीव्र बनाइरहेका छन् । सोमबारमात्रै लगानीकर्ताहरूको समूह पुँजीबजार फोरमले अर्थमन्त्री महतलाई भेटेर सेयर बजारको विकासका लागि विभिन्न नीतिहरूमा संशोधन एवम् परिमार्जनको आवश्यकता औंल्याएको थियो ।

लगानीकर्ताहरूले विशेष गरी राष्ट्र बैंकले सेयर धितो कर्जाको जोखिम भारलाई १५० प्रतिशतबाट घटाई १०० मा झार्नुपर्ने, बैंक तथा वित्तीय संस्थालाई क्रस होल्डिङ नहुनेगरी सेयर खरिद गर्न खुला गर्नुपर्ने, सेयर धितोमा दिइने प्रतिव्यक्ति वा प्रतिसंस्था १२ कर्जाको सीमा हटाउनुपर्ने लगायतका माग राख्दै आएका छन् । फोरमले पनि अर्थमन्त्रीलाई भेटी यी व्यवस्थाहरूमा सहजीकरण गर्नका लागि सुझाव दिएको थियो ।