सिद्धार्थ क्यापिटल लिमिटेडले आज चैत्र २६ गते देखि ‘सिद्धार्थ इन्भेष्टमेन्ट ग्रोथ स्कीम-३’ फन्डको बिक्री खोलेको छ। सिद्धार्थ क्यापिटलले सिद्धार्थ म्युचुअल फन्ड अन्तर्गत प्रति इकाई १० रुपैयाँ अंकित दरमा १ अर्ब २० करोड रुपैयाँ इकाई बिक्रीमा ल्याएको हो। फन्डले १२ करोड इकाई मध्य १०% यानी १ करोड २० लाख इकाई कोष प्रवद्र्धक सिद्धार्थ बैंक र ५% यानी ६० लाख इकाई कोष व्यवस्थापक सिद्धार्थ क्यापिटलका लागि सुरक्षित गरेको छ भने बाँकी रहेको १० करोड २० लाख इकाई सार्वजनिकलाई बिक्री खुलाएको छ।
यो बन्दमुखी योजना हो।
आवेदनको लागि कति दिने?
लगानीकर्ताले न्यूनतम १०० इकाईदेखि अधिकतम १ करोड २० लाख इकाईसम्म आवेदन दिन सक्नेछन्।
कहिले सम्म आवेदन दिने?
चैत्र २६ देखि यस्तो चैत २९ गते सम्म आवेदन दिन सकिनेछ।
काे हाे बिक्री प्रबन्धक ?
यसमा बिक्री प्रबन्धकको काम सिद्धार्थ क्यापिटल लिमिटेडले गर्नेछ ।
कहाँबाट दिने आवेदन ?
लगानीकर्ताले धितोपत्र बोर्डबाट आस्वा अनुमति लिएका सम्पूर्ण बैंक तथा वित्तीय संस्था तथा मेरो सेयरबाट पनि आवेदन दिन सक्नेछन् ।
