आजको भएको सेयर बजारमा एक कम्पनिको मुल्यमा चलखेल भएको देखिएको छ । आज मुल्यमा चलखेल भएको कम्पनिको नाम हो, सुर्योदय वोमी लघुबित्त बित्तिय सङ्स्था ।
यस कम्पनिको सेयर मुल्य कारोबारको अन्तिम ५ मिनटको समयमा सर्किट लगाइएको छ । अन्तिम ५ मिनटमा लगानिकर्ता त्यती सकृय हुँदैनन । त्यही मौकाको फाईदा खेलाडिले उठाउछन ।
आज दिनभर सामान्य जस्तै रहेको यस कम्पनिको सेयर मुल्य अन्तिम समयमा बढाएको देखिन्छ । एकाएक अन्तिम ५ मिनटमा ८ प्रतिसत भन्दा बढी बढाईएको छ भने त्यो भन्दा अघिल्लो ५ मिनटमा १.५ प्रतिसत बढाईएको छ । यसरी हेर्दा कारोबारको अन्तिम समय जुन बेला लगानीकर्ताको सहभागीता कम हुन्छ त्यही मौका छोपेर मुल्य १० प्रतिसत हाराहारी मुल्य बढाईएको छ ।
६०३ मुल्य रहेको अवस्थामा यस कम्पनीलाई ब्रोकर ६२, क्यापिटल म्याक्स सेकुरिटीजले १० कित्ता किन्छ मुल्य ६१५ राखेर, त्यसपछी सोही ब्रोकरले सोही मुल्यमा साना साना कित्तामा दुई कारोबार गरेको देखिन्छ । त्यसपछी अन्तिम १ मिनटको हाराहारिमा सोही ब्रोकर ६२ ले मुल्य बढाएर ६६० मा किनेको देखिन्छ । यसरी मुल्य बढाएर किन्दा १६ कित्ता किनिएको छ । अन्तिम १ मिनटमा ७ प्रतीसत भन्दा बढी बढाएर कारोबार हुँदा सो १६ कित्ता सेयर ब्रोकर नम्बर ३८ ,दिपशीखा धितोपत्र कारोबार कम्पनिले बेचेको छ ।
ब्रोकर नम्बर ३८ को आजकै कारोबार हेर्दा , अघिल्लो कारोबारहरुमा अरु ब्रोकरले कम मुल्यमा किनिरहदा ब्रोकर ३८ बाट उच्च मुल्य राखी किनेर बढाउने प्रयास भएको देखिन्छ । ब्रोकर ३८ ले १० कित्ता किनेर ६१५ बाट ६४९ मुल्य पुर्याएको थियो जबकी सोही समयको अर्को कारोबारमा अरु ब्रोकरबाट ६०० आसपास कारोबार भएको देखिन्छ ।
यसरी हेर्दा यि दुई ब्रोकर ( वा ब्रोकर मार्फत कारोबार गर्ने समुह ) मिलेको अनुमान लगाउन सकिन्छ ।
यसरी हेर्दा , आर्थिक कागजले यो कम्पनिको मुल्यमा खेलाडिले चलखेल गरेको आकलन गरेको छ । सामान्य अवस्थामा यस्तो हुदैन ।
अन्तिम समय जतिखेर लगानिकर्ता सकृय हुँदैनन त्यही मौकामा साना साना कित्ताको सहयोगमा १० प्रतिसत सम्म मुल्य बढाउनु प्राकृतिक देखिदैन ।
यसरी अन्तिम ५ मिनटको समय, जुन समयमा लगानिकर्ताको सहभागीता कम हुन्छ , त्यही समयको मौका पारेर सानो सानो कित्ता किनेर १० प्रतिसत मुल्य बढाउनु प्राकृतिक देखिदैन- चलखेल देखियो , साना लगानिकर्ता साबधान रहुन भन्ने उदेस्यले यो सामाग्री तयार पारीएको हो ।
यसरी चलखेलको सेयरमा परेर टोपी नलगाउनुस् भन्ने उदेस्यले प्रेरित भएर यो सामाग्री पाठक सामु प्रस्तुत गरिएको हो ।
हेर्नुस् सुर्योदय वोमिको आजको मुल्यको ५ मिनट टाइमफ्रेमको चार्ट
यस अघी पनि यसरी नै अन्तिम ५ मिनटमा अप्राकृतिक तरिकाले मुल्य बढाएर सर्किट लगाएपछी आर्थिक कागजले सामाग्री प्रस्तुत गरेको थियो । त्यसको भोलिपल्ट उक्त कम्पनी मुल्य धेरै घटेको थियो ।
यो हेर्नुस्
