एनआरएन इन्फ्रास्टक्चर एण्ड डेभलपमेन्ट लिमीटेडले आर्थिक वर्ष २०८०-८१ को चौथो त्रैमाससम्ममा ६ करोड ७६ लाख खूद नाफा कमाएको छ । यो अघिल्लो वर्षको सोही अवधिको तुलनामा ४७४ प्रतिशतले वढी हो । अघिल्लो वर्ष यही अवधिसम्म कम्पनीको खूद नाफा १ करोड १७ लाख रहेको थियो ।
कम्पनीको रिटेन्ड अर्निङ अघिल्लो वर्षको चौथो त्रैमाससम्म ५ करोड ३५ लाख रुपैयाँ रहेकोमा समीक्षा अवधिमा ११ करोड ६० लाख पुगेको हो ।
इन्भेष्टमेन्ट रिभ्यालुएसन रिजर्भको आकार २९ करोड ४४ लाख रुपैयाँबाट बढेर ६० करोड ५३ लाखको उचाईमा पुगेको छ।
आम्दानी घटेपनि वित्तीय सम्पत्तिको फेयर भ्यालु परिवर्तनबाट खुद नाफा बढेको देखिएको छ ।
समीक्षा अवधिमा कम्पनीको कुल आम्दानी ३२.९६ प्रतिशत घटेको छ भने सञ्चालन मुनाफा ४८.८४ प्रतिशत घटेको छ। त्यस्तै, कम्पनीको वित्तीय सम्पत्तीको फेर भ्यालु परिवर्तन नाफा ७ करोड ४ लाख रुपैयाँ रहेको छ। जुन अघिल्लो वर्ष २ करोड १६ लाखले ऋणात्मक थियो ।
समीक्षा अवधिमा यो कम्पनीको प्रतिसेयर नेटवर्थ १५८.९७ रुपैयाँ, मूल्य आम्दानी अनुपात १३५.२७ गुणा, प्रतिसेयर सम्पत्तिको मूल्य १७७.९७ रुपैयाँ कायम भएको छ ।
