नेपाल वेयरहाउजिङ कम्पनी लिमिटेडको लक इन अवधि समाप्त भएको छ । कम्पनीले सामूहिक लगानी कोषका लागि छुट्टाएको ५ प्रतिशतले हुन आउने ७० लाख रुपैयाँबराबरको ६८ हजार ७५० कित्ता सेयरको लक इन अवधि जेठ १९ गते समाप्त भएको हो ।
कम्पनीले मंसिर २० गते आम सर्वसाधारणका लागि आइपिओ निष्कासन गरेकोमा जेठ १९ गते उक्त साधारण सेयर बाँडफाँड भएको ६ महिना पुगेको हो ।
साधारण सेयर बाँडफाँड भएको ६ महिनासम्म सामूहिक लगानी कोषका लागि छुट्टाइएको सेयर रोक्का राख्ने गरिएको छ ।
