२० दिन दिल्ली बसेर फर्केका प्रसाईंले त्रिभुवन विमानस्थलमा संचारकर्मीहरूसँग कुरा गर्दै मेडिकल व्यवसायी दुर्गा प्रसाईंले अब बैंकबाट लिएको सबै ऋण तिर्ने बताएका छन् ।
अदालतले आफ्नो मेडिकल कलेजलाई सम्बन्धन दिन गरेको आदेशको स्वागत गरे। उनले १३ वर्षसम्म सरकारले आफूलाई अन्यायमा पारेको र १३ वर्षपछि अदालतले न्याय दिएको प्रतिकृया दिएका छन ।
उनले भने, “हामीलाई मेडिकल कलेज खोल्न १३ वर्षसम्म सम्बन्धन नदिएर रुवाएर, तड्पाएर राखेका थिए। अदालतबाट सम्बन्धन दिने आदेश भएको छ। देशमा न्याय मरेको छैन भन्ने प्रमाणित भयो। न्यायपालिकालाई धन्यवाद।”
उनले अब कलेज चलाएपछि आफूसँग पैसा पनि हुने भन्दै बैंकको ऋण पनि तिर्ने बताए।
‘एफिलेसन आयो कलेज चल्छ, म बैंकको पैसा तिर्छु । मैले बैंकको पैसा तिर्दिनँ भनेर कहिल्यै भनेको छैन । तिमीले ७ प्रतिशत ब्याज किन १७ प्रतिशत बनायौँ ? गरिबको ऋण तिरिदेउ न सरकार पो भनेको ।’
उनले मेडिकल कलेजले सम्बन्धन पाएपनि राष्ट्र, राष्ट्रियता, धर्म, संस्कृति र नागरिक बचाउ महाअभियान नरोकिने बताए । ‘अब अभियान झन् एग्रेसिभ जान्छ’, उनले भने, ‘अब मसँग पैसा पनि हुन्छ, लडाइ पनि गर्छु । क्लियर कुरा ।’
उनले आफुलाई पक्रिन सरकारलाई चुनौती दिएका छन ।
