बुद्धभूमि नेपाल हाइड्रोपावर कम्पनी लिमीटेडले हकप्रद निस्कासन गर्ने भएको छ । कम्पनिले चुक्तापूँजीको १५० प्रतिशतको दरले हकप्रद सेयर निश्कासन गर्न लागेको हो ।
यो कम्पनीले वार्षिक साधारणसभा आह्वान गर्दै हाल कायम चुक्तापूँजीको १५० प्रतिशत हकप्रद निश्कासनको प्रस्ताव गरेको छ।
कम्पनीको सञ्चालक समितिको बैठकले आगामी पुस २० गते १५ औं वार्षिक साधारणसभा आह्वानको निर्णय गरेको हो ।
काठमाण्डौको भाटभटेनीस्थित अम्रपाली ब्यांक्वेटमा बिहान ११ बजे सो दिन साधारणसभा आह्वान गरिएको सूचनामा उल्लेख छ ।
यो कम्पनीको हालको चुक्तापूँजी ४० करोड रुपैयाँ रहेको छ । प्रस्तावित १५० प्रतिशत हकप्रद निश्कासन साधारणसभाबाट पारित भई नियामकबाट समेत स्वीकृत भएमा कम्पनीको चुक्तापूँजी बढेर १ अर्ब पुग्नेछ ।
कम्पनीले साधारणसभा प्रयोजनका लागि पुस ६ गते एकदिनका लागि बुक क्लोज गरेको छ । यसको अर्थ पुस ५ गतेसम्म नेपाल स्टक एक्सचेञ्जमा कम्पनीको सेयर खरीद गरी सेयरधनी कायम हुनेले मात्र सभामा सहभागी हुन पाउनेछन् ।
चालु आर्थिक वर्षको पहिलो त्रैमासमा यो कम्पनी ४९ लाखभन्दा बढी घाटामा गएको छ।
कम्पनीले ०७८ चैतदेखि व्यापारिक उत्पादन गरी विद्युत बिक्री गर्न थालेको हो ।
