दसैं पर्ब सकिएपछी ११ कम्पनीले ११ अर्ब भन्दा बढी रुपैयाँको ११ करोड १६ लाख ८९ हजार ५२५ कित्ता हकप्रद सेयर निष्कासन गर्न लागेका छन ।हकप्रद सेयर जारी गर्नेमा १० वटा जलविद्युत् कम्पनी र एउटा विकास बैंक रहेको छ ।
छ्याङदी हाइड्रोपावर कम्पनी
यस कम्पनीले हकप्रद सेयर निष्कासन गर्नका लागि बोर्डमा निवेदन दिएको छ । कम्पनीले १ः१ अनुपातमा ३८ करोड रुपैयाँको ६९ लाख ७७ हजार ५०० रुपैयाँको ३८ लाख ६९ हजार ७७५ कित्ता सेयर निष्कासन गर्ने तयारी गरेको छ । कम्पनीको बिक्री प्रबन्धकमा बीओके क्यापिटल रहेको छ ।
सिंगटी हाइड्रो इनर्जीले
यस कम्पनिले पनि हकप्रद सेयर बिक्री गर्न बोर्डमा निबेदन दिएको छ। १ः१ अनुपातमा १ अर्ब ४५ करोड रुपैयाँको १ करोड ४५ लाख कित्ता हकप्रद जारी गर्ने तयारी गरेको छ । यसको बिक्री प्रबन्धकमा कुमारी क्यापिटल रहेको छ ।
अरुण भ्याली हाइड्रोपावर
यस कम्पनिले १०० प्रतिशत हकप्रद सेयर निष्काशन गर्ने तयारी गरेको छ । यसका लागि कम्पनिले बोर्डमा अनुमति मागेको छ । कम्पनीले १ः१ अनुपातमा १ अर्ब ८६ करोड ७६ लाख ६२ हजार ६०० रुपैयाँको १ करोड ८६ लाख ७९ हजार ६२६ कित्ता हकप्रद सेयर निष्कासन गर्न लागेको छ । यसको बिक्री प्रबन्धकमा मुक्तिनाथ क्यापिटल रहेको छ ।
कम्पनीका अनुसार हकप्रद सेयरबाट प्राप्त रकममध्ये ९३ करोड ३९ लाख ८१ हजार ३०० रुपैयाँ ३० मेगावाटको लिखु खोला जलविद्युत् आयोजना निर्माणमा लगानी गर्नेछ भनेबाँकी ९३ करोड ३९ लाख ८१ हजार ३०० रुपैयाँ काबेली-१ क्यास्केड जलविद्युत् आयोजनाको निर्माणको ऋण भुक्तानी गर्नेछ।
हेर्नुस् , कुन कुन कम्पनिको राइट सेयर आउँदैछ ?
