अन्तराष्ट्रिय मुद्रा कोष(आइएमएफ)ले नेपालको बाह्य स्थिति सुदृढ भएको भन्दै मौद्रिक नीति बनाउने र कार्यान्वयन गर्ने राष्ट्रबैंकको प्रशंसा गरेको छ ।
टिडियान किन्डाको नेतृत्वमा आईएमएफको टोलीले सेप्टेम्बर २१ देखि अक्टोबर ५ सम्म काठमाडौंको भ्रमण गरेको थियो ।
आइएमएफको विस्तारिक क्रेडिट सुविधाको कार्यान्वयनको अवस्था बारे बुझ्न यस टोलीले बिभिन्न ब्यक्तीसङ्ग भेटेपछी जारी गरेको प्रेस नोटमा अर्थतन्त्रको बाह्य स्थिति सुदृढ भएकोमा प्रशंसा गरिएको हो ।
‘नेपालको बाह्य स्थिति सुदृढ भएको छ, विवेकपूर्ण वित्तीय र मौद्रिक नीतिहरूको कार्यान्वयनका कारण रेमिट्यान्स राम्रो भएको छ । क्षेत्रीय खाद्य मूल्यमा वृद्धि भए पनि पर्यटन महामारी पछि पुनः लयमा फर्किएको छ । यद्यपि, घरेलु मोर्चामा, गत वर्षको आयात प्रतिबन्ध र भूमि बजार र निर्माण इजाजतपत्रमा नियामक अनिश्चितता, कम ऋण प्रवाह, र ठूलो कोभिड पछि बसाइको सन्दर्भमा कमजोर घरेलु माग झल्काउँदै आर्थिक वर्ष २०२२-२३ मा वृद्धि सुस्त भएको अनुमान गरिएको छ।’
आर्थिक वर्ष २०२२-२३ को वित्तीय घाटा बढ्नुको मुख्य कारण राजश्वमा आएको कमी भएको आइएमएफले दाबी गरेको छ ।
उसले आर्थिक वर्ष २०२३-२४ मा नेपालको वृद्धि दर ३.५ प्रतिशतमा पुग्ने प्रक्षेपण गरेको छ ।
अगस्टमा ७.५ प्रतिशतको उच्च विन्दूमा रहेको मुद्रा स्फिति घट्ने अपेक्षा गरिएको छ । ‘पूर्वाधार, विशेषगरी ऊर्जा क्षेत्रमा रणनीतिक लगानीले सम्भावित बृद्धिलाई समर्थन गर्ने अपेक्षा गरिएकाले नेपालको मध्यमकालीन दृष्टिकोण अनुकूल छ।’ प्रेस नोटमा भनिएको छ।
