हाल सेयर बजारमा राफसाफ सम्बन्धी टि प्लस टु को ब्यबस्था लागु भएको अवस्था छ । यो भनेको सेयर कारोबार भएको दिन देखी बाहेक अरु दुई दिन भित्र राफसाफ गरिसक्नु पर्ने हो । यो नियम लागु भएको धेरै भईसक्यो ।
तर , अहिलेसम्म पनि ब्रोकरले पूर्णरुपमा पालना गरेका देखिदैन । लगानिकर्तालाई भने पालना गराएका छन -लगानिकर्ताले भनेको समयमा सेयर ट्रान्स्फर गरेनन भने २० प्रतिसत पेनाल्टी लाग्ने गरेको छ । परन्तु , ब्रोकरले लगानिकर्ताको खातामा पैसा हाल्न भने धेरै दिन लगाइदिन्छन । कुनै कुनै ब्रोकरले मात्र समयमै पैसा हाल्दिन्छन ।
धेरै जसो ब्रोकरलाई पैसा खातामा लगाइदिन फोन गर्नै पर्छ । तर ब्रोकरलाई भनेको बेला फोन लाग्दैन । लागिहाले पनि सितिमिती उठ्दैन ।
फोन नागरिकन ब्रोकरले नै लगाइदिन पर्यो भने , १० देखी १५ दिन सम्म लागेको गुनासो लगानिकर्ताले गरिरहेका छन ।
एक लगानिकर्ताले आर्थिक कागज सङ्ग कुरा गर्दै भने “पैसा आबस्यक परेर घाटामै सेयर बेचे, तर ७दिन भईसक्यो पैसा हाल्देको छैन । आज बल्ल फोन उठेर कुरा गरेको छु , हाल्दिन्छु भनेको छ ” ।
अर्का एक लगानिकर्ता सामाजिक सन्जालमा लेख्छन , ‘ सेयर बेचेको १० दिन भईसक्यो , ब्रोकरले पैसा खातामा पैसा हाल्देको छैन । यस्ता ब्रोकरलाई किन कारबाही हुँदैन ? ‘
यसरी ब्रोकरहरु लगानिकर्ताको पैसा चलाईरहने , लगानिकर्ताले बिर्सिएर पनि कुनै एक दिन मात्र सेयर ट्रान्स्फर नगर्दा फाइन लगाउने,तोकिएको समयमा पैसा बुझाएन भने पनि उस्तै तर ब्रोकरले चाँही जसो गरे पनि हुने कुरालाई बदल्नु जरुरी देखिन्छ ।
यसको अर्थ फाइन लगाउनु हुँदैन भनेको हैन तर ब्रोकरले पनि समयमै लगानिकर्ताको खातामा लगाइदिनु पर्यो भन्ने मात्र हो ।
पैसाको सेटलमेन्ट पनि टिएमएसबाटै हुने ब्यबस्था गरेर, तोकिएको समयमा खातामा पैसा नहाल्ने ब्रोकरलाई कारबाहीको ब्यबस्था गर्दै धेरै दिनसम्म लगानिकर्तालाई झुलाउने ब्यबस्था अन्त्य गर्ने हो कि ?
