भर्खरै आइपीओ जारी गरेको बाराही हाइड्रोपावर पब्लिक लिमीटेड कम्पनीले ॠण तिर्न नसकेपछी डिफल्टको सुचिमा परेको छ । यो कम्पनीको बित्तिय अवस्था हाल एकदमै खराब बनेको छ ।
हाल बजारमा ३५० हाराहारिमा कारोबार भईरहेको यो कम्पनी ॠणमा चुर्लुम्म डुबेको छ ।
आर्थिक वर्ष २०७९–८० को चौथो त्रैमासको वित्तीय विवरणअनुसार यस कम्पनीको कुल दायीत्व २३ करोड ६९ लाख रहेको थियो । त्यस्तै २५ करोड चुक्तापूँजी रहेको कम्पनीको रिजर्भ १० करोड ३४ लाखले नेगेटिभ(घाटामा) छ । यस कम्पनिको नेटवर्थ पनि ५८.६३ रुपैयाँ रहेको देखिन्छ ।
कम्पनिले ॠणको पछिल्लो किस्ता बुझाउन नसक्दा कम्पनीलाई डिफल्टको सूचीमा राखिएको छ ।
क्रेडिट रेटिङ एजेन्सी इक्रा नेपालले पनि पछील्लो किस्ता बुझाउन नसकेपछी आफ्नो रेटिङ ‘बी’ माइनसबाट डाउनग्रेड गरी ‘डी’मा झारिदिएको छ ।
कम्पनि श्रोत अनुसार हाल बाढीका कारण आयोजनाले विद्युत उत्पादन प्रभाबित भएसङ्गै आम्दानी नहुँदा पछील्लो किस्ता तिर्न नसकिएको हो ।
कम्पनिको व्यवस्थापनले आयोजनालाई ब्यबस्थित बनाउन ध्यान दिएको छैन । आइपिओ जारी गरेपस्चात अहिले व्यवस्थापनले लत्तो छाडीसकेको छ । कम्पनिको अवस्था एकदमै दयनिय र विकराल रहेको छ । यो आयोजना जुनसुकै बेला बन्द हुनसक्छ – आयोजना निकट श्रोतले भन्यो ।
कम्पनीको इपीएस पनि ७.०३ रुपैयाँले नेगेटिभ रहेको देखिन्छ ।
