नेपालकै सबैभन्दा ‘लक्जरियस’ होटल मानिएको ‘सिन्तामणी मुस्ताङ’ सञ्चालनमा आएको छ। सम्भबत नेपालमा रहेका होटल तथा रिसोर्टमध्ये यो सबैभन्दा महँगो होटलका हुन सक्ने अनुमान गरिएको छ ।
सिन्तामणि विश्वबजारमा जंगलबीच महँगा होटल सञ्चालन गर्ने अन्तर्राष्ट्रिय ‘ब्रान्ड’ हो। यती वर्ल्ड ग्रुपको सहायक कम्पनी शेर्पा हस्पिटालिटीमार्फत मुस्ताङ जोमसोममा १ अर्ब १० करोड रुपैयाँ लगानीमा निर्माण भएको हो । यसको व्यवस्थापन सिन्तामणीले गर्नेछ । यो ब्रान्डको मुख्य ग्राहक खर्चालु पर्यटक रहेका छन ।
होटलले हर्स राइडिङ, साइक्लिङ, रक क्लाइम्बिङ, आर्चरी, हाइकिङ, ट्रेकिङ, योगालगायत सुविधा पनि उपलब्ध गराउँदै आएको छ। होटलमा बस्ने पाहुनालाई प्रत्येक पर्यटकलाई एक÷एक गाइडसमेत उपलब्ध गराउने छ ।
सञ्चालनमा आएको सिन्तामणीमा बस्न न्यूनतम ५ दिनको बुकिङ गर्नुपर्छ। नेपाली वा विदेशी जो भए पनि होटलमा बस्न चाहनेले अनिवार्य कम्तीमा ५ दिनको बुकिङ गर्नुपर्ने छ।
यस होटलमा बस्नका लागि प्रतिरात १ हजार ८ सय अमेरिकी डलर तिर्नुपर्छ।
