माछापुच्छ्रे बैंक लिमिटेडको सञ्चालकमा २ जना नियुक्त भएका छन् । मंसिर २० गते बसेको बैंकको सञ्चालक समितिको बैठकले सञ्चालक पदमा २ जनालाई नियुक्त गर्ने निर्णय गरेको हो ।
नयाँ सञ्चालकहरुमा मुकुन्द महत र अनिल शाह रहेका छन् ।
दुवैजना संस्थापक सेयरधनीका तर्फबाट सञ्चालक नियुक्त भएका हुन् । उनीहरुलाई सोही मितिदेखि लागू हुनेगरी उक्त पदमा नियुक्त गरिएको बैंकले जनाएको छ ।
साथै, बैंकको सोही दिन बसेको सञ्चालक समितिको बैठकले संस्थापक सेयरधनी जानकी इन्भेष्टमेन्ट एण्ड पेट्रोलियम सप्लायर्सका तर्फबाट प्रतिनिधित्व गर्ने हरिभक्त सिग्देलको राजीनामा स्वीकृत गरेको छ । सिग्देलले मंसिर १४ गते राजीनामा पेश गरेका थिए ।
