अपि पावर कम्पनी लिमिटेडले ४० हकप्रद सेयर निष्कासन गर्ने भएको छ ।
कम्पनीले साउन ३१ गतेबाट १ : ०.४० को अनुपातमा प्रति सेयर १०० रूपैयाँका दरले १ अर्ब ६५ करोड ३३ लाख १३ हजार ७ सय रुपैयाँ बराबरको १ करोड ६५ लाख ३३ हजार १ सय ३७ कित्ता हकप्रद सेयर निष्कासन गर्ने भएकाे हाे ।
कम्पनीले हकप्रद सेयर निष्कासन गर्ने प्रयाेजनका लागि असार २२ गते बुकक्लाेज गरेकाे थियाे त्यसैले असार २१ सम्म कायम सेयर धनीले हकप्रद भर्न पाउनेछन ।
साउन ३१ गते, बुधबारबाट निष्कासन गरिने उक्त हकप्रद सेयरमा भदाै १९ गतेसम्म आवेदन दिन पाइनेछ ।
यस हकप्रद सेयरलाई क्रेडिट रेटिङ एजेन्सी केयर नेपालले केयर एनपी डबल प्लस रेटिङ्ग प्रदान गरेको छ ।
त्यस्तै कम्पनीले हकप्रद सेयर निष्कासन गर्ने प्रयाेजनका लागि निष्कासन तथा बिक्री प्रबन्धकमा मुक्तिनाथ क्यापिटल लिमिटेडलाई नियुक्त गरेकाे छ ।
