नेपाली कांग्रेसको पदाधिकारी बैठकमा महामन्त्रीद्वय गगन थापा र विश्वप्रकाश शर्माले बालकृष्ण खाण पक्राउ परिसकेको अवस्थामा पार्टीले निलम्बन गरेर जानुपर्ने प्रस्ताब गरेका छन ।
देउवा निवास धुम्बाराहीमा बुधबार अपराह्न ५ बजेदेखि बेलुकी ८ बजेसम्म चलेको बैठकमा नेपालीलाई नक्कली भुटानी शरणार्थी बनाएर ठगी प्रकरणमा पूर्वगृहमन्त्रीसमेत रहेका खाण मुछिएको र पक्राउसमेत परेको सन्दर्भमा छलफल भएको थियो।
बैठकमा नेकपा एमालेले पार्टी सचिव टोपबहादुर रायमाझीलाई निलम्बन गरिसकेको प्रसंग पनि उठाइएको थियो ।
तर पनि सभापति देउवाले यसबारे केही बोलेनन्।
त्यसपछि बैठकमा आन्तरिक विषयमा छलफल भएको थियो। मुख्यगरी बैठकमा विभाग र भ्रातृ संस्थालाई पूर्णता दिनेबारे छलफल भएको प्रवक्ता प्रकाशशरण महतले दाबी गरे।
यद्यपी खाण पक्राउबारे पनि छलफल भएको उनको भनाइ थियो।
‘उहाँले अनुसन्धानलाई सहयोग गरिरहनु भएको छ। कतै फरार हुनुभएको छैन। बालकृष्णजीले आफैँले अनुसन्धानलाई सहयोग गर्छु भन्नुभएको छ। अनुसन्धान परिपक्क होस्, पछि पार्टीले कुनै निर्णय गर्नुपरे त्यसैबेला गर्छ,’ प्रवक्ता महतले भने।
उनले खाणबारे अहिले नै थप छलफल आवश्यक नपर्ने दाधिकारी भन्दै थप छलफलका लागि पदाधिकारी बैठक राखिएको छ। बिहीबार दिउँसो २ बजे सभापति देउवा निवास धुम्बाराहीमै बैठक बस्नेछ।
