काठमाडौं । नेपाल स्टक एक्सचेञ्ज (नेप्से) मा सागर डिष्टिलरी लिमिटेडको आईपीओ सूचीकृत भएको छ । शुक्रबार नेप्से र कम्पनीबीच प्रतिसेयर अंकित तथा चुक्ता मूल्य रु.१०० कायम भएको कुल ७२ लाख ६० हजार कित्ता साधारण सेयर सूचीकरण गर्ने सम्झौता सम्पन्न भएको हो ।
कम्पनीले सर्वसाधारणसमक्ष गत भदौ ३० गतेदेखि असोज ५ गतेसम्म मुक्तिनाथ क्यापिटल लिमिटेड (धितोपत्र निष्काशन तथा बिक्री प्रबन्धक) मार्फत आईपीओ निष्कासन गरेको थियो । सो क्रममा सर्वसाधारण लगानीकर्तामा वितरण गरिएको १४ लाख ५२ हजार कित्ता र संस्थापक सेयरधनीहरुलाई वितरण गरिएको ५८ लाख ८ हजार कित्ता गरी जम्मा ७२ लाख ६० हजार कित्ता सेयर सूचीकरण गरिएको हो ।
नेप्सेले धितोपत्र सूचीकरण विनियमावली, २०७५ बमोजिम कात्तिक १६ गतेको निर्णयअनुसार कम्पनीको सेयर सूचीकरण गरेको जनाएको छ । सूचीकृत भएसँगै सागर डिष्टिलरीको सेयर आइतबारदेखि दोस्रो बजारमा कारोबारमा आउनेछ ।
नेप्सेले कम्पनीलाई दोस्रो बजार कारोबारका लागि ‘हिमस्टार (HIMSTAR)’ संकेत प्रदान गरेको छ । पहिलो कारोबारका लागि नेप्सेले प्रतिकित्ता रु.१०६.५२ देखि रु.३१९.५६ सम्मको ओपनिङ रेञ्ज तोकेको छ ।
स्रोत: नेपाल स्टक एक्सचेञ्ज / कम्पनी विवरण
क्यापिटल: मुक्तिनाथ क्यापिटल लिमिटेड
अंकित मूल्य: रु.१०० प्रति सेयर
सूचीकरण मिति: कात्तिक १६, २०८२
दोस्रो बजार कारोबार सुरु: आइतबारदेखि
