सागर डिष्टिलरी लिमिटेडले यही भदौ २५ गतेदेखि आम सर्वसाधारणका लागि प्रारम्भिक सार्वजनिक निष्कासन (IPO) जारी गर्ने भएको छ। कम्पनीले कुल ११ लाख ९० हजार ६४० कित्ता सेयर रु. १०० अंकित दरमा जारी गर्दैछ, जसको कुल मूल्य ११ करोड ९० लाख ६४ हजार रुपैयाँ बराबर हुनेछ।
सेयर संरचना
- सामूहिक लगानी कोषका लागि : ७२ हजार ६०० कित्ता
- कर्मचारीहरुका लागि : ४३ हजार ५६० कित्ता
- सर्वसाधारणका लागि बाँकी : करिब १० लाख ७४ हजार ४८० कित्ता
आवेदन विवरण
- न्यूनतम आवेदन : १० कित्ता
- अधिकतम आवेदन : १० हजार कित्ता
- आवेदन गर्ने स्थान : नेपाल धितोपत्र बोर्डबाट स्वीकृत आस्बा सदस्य बैंक तथा वित्तीय संस्था, तिनका शाखा तथा मेरो सेयर पोर्टल
- न्यूनतम बन्द मिति : भदौ २९ गते
- अधिकतम बन्द मिति : असोज ३ गते
बिक्री प्रबन्धक
यस आईपीओको निष्कासन तथा बिक्री प्रबन्धकको जिम्मेवारी मुक्तिनाथ क्यापिटल लिमिटेडले लिएको छ।
पहिलो चरण (विदेशी रोजगारमा रहेका नेपाली)
यसअघि कम्पनीले पहिलो चरणअन्तर्गत साउन २८ गतेदेखि भदौ १ गतेसम्म विदेशी रोजगारमा रहेका नेपालीहरुका लागि आईपीओ निष्कासन गरेको थियो। सो आईपीओको बाँडफाँड सम्पन्न भइसकेको छ।
