ग्लोबल आइएमई बैंकले केही संस्थापक सेयरधनीको स्वामित्वमा रहेको संस्थापक सेयर बिक्रीमा राखेको छ । बैंकले आज एक सूचजा जारी गर्दै उक्त सेयर बिक्रीमा राखेको हो ।
बिक्रीमा राखिएको सेयरको संख्या भने खुलाइएको छैन ।
संस्थापक सेयर खरिद गर्दा पहिलो प्राथमिकता संस्थापक सेयरधनीहरुलाई दिनु पर्ने भएकाले बैंकका विद्यमान संस्थापक सेयरधनीहरुका लागि उक्त सेयर बिक्री गर्न लागिएको बैंकले जनाएको छ । सेयर खरिद गर्न इच्छुक विद्यमान संस्थापक सेयरधनीहरुले सूचना प्रकाशित भएको ३५ दिनभित्र काठमाण्डौको कमलादीमा रहेको बैंकको रजिष्टर्ड कार्यालयमा आवेदन दिनु पर्नेछ ।
यस्तै बैंकले गत चैत १७ गते ३५ दिने सूचना जारी गर्दै बिक्रीमा राखेको संस्थापक सेयर खरिदका लागि संस्थापक सेयरधनीहरुबाट कुनै आवेदन नपरेकाले उक्त सेयर अन्य व्यक्ति तथा कम्पनीका लागि बिक्रीमा राखेको छ । उक्त सेयर खरिद गर्न चाहने आम सर्वसाधारणले सूचना प्रकाशित भएको ३५ दिनभित्र आवेदन दिनु पर्नेछ ।
