लक्ष्मी सनराइज बैंक लिमिटेडले संस्थापक सेयरधनीहरुको स्वामित्वमा रहेको ३१ लाख ८० हजार ३९४ कित्ता संस्थापक सेयर एकैपटक बिक्रीमा राखेको छ। बैंकले सोमबार एक सूचना प्रकाशित गर्दै सेयर बिक्री प्रक्रिया सुरु गरेको जानकारी दिएको हो।
बैंकका अनुसार यी सेयरहरु मात्र विद्यमान संस्थापक सेयरधनीहरुकै लागि बिक्रीमा राखिएको हो। इच्छुक संस्थापक सेयरधनीहरुले सूचना प्रकाशित भएको मितिले ३५ दिनभित्र आवश्यक विवरणसहित हात्तीसारस्थित बैंकको मुख्य कार्यालयमा आवेदन दिनुपर्नेछ।
बैंकले भनेको छ, “तोकिएको अवधिभित्र कुनै संस्थापक सेयरधनीबाट सेयर खरिद गर्नेबारे लिखित जानकारी प्राप्त नभएमा, बैंकले प्रचलित कानूनअनुसार ती सेयर अन्य व्यक्ति वा कम्पनीलाई बिक्री गर्न सक्नेछ।”
संस्थापक सेयर बिक्री सम्बन्धी निर्णय बैंकको स्वामित्व संरचना तथा भावी रणनीतिसँग सम्बन्धित महत्वपूर्ण कदमका रूपमा लिइएको छ।
