सगरमाथा लुम्बिनी इन्स्योरेन्स कम्पनी लिमिटेड (सलिको) को लाभांश प्राप्तिका लागि आजसम्म कायम सेयरधनीहरू मात्र योग्य हुने भएका छन्। कम्पनीले लाभांश वितरण तथा साधारण सभा प्रयोजनका लागि वैशाख १७ गते बुक क्लोज गर्ने जनाएको छ।
यसर्थ, आजसम्म नेपाल स्टक एक्सचेञ्ज (नेप्से) मा कारोबार भई कायम रहेका सेयरधनीहरूले मात्र कम्पनीको प्रस्तावित लाभांश प्राप्त गर्ने र साधारण सभामा सहभागी हुने अधिकार पाउनेछन्।
कम्पनीको सञ्चालक समितिले गत चैत २८ गते बसेको बैठकमा आर्थिक वर्ष २०८०/८१ का लागि हाल कायम चुक्तापूँजीमा आधारित रही सेयरधनीहरूलाई करसहित १५ प्रतिशत नगद लाभांश वितरण गर्ने निर्णय गरेको थियो।
साथै, कम्पनीले साधारण सभा यही वैशाख २८ गते काठमाडौंको ज्ञानेश्वरस्थित रानीमहल ब्याङ्क्वेटमा बिहान १० बजेदेखि आयोजना गर्ने तयारी गरेको छ। उक्त सभामा प्रस्तावित १५ प्रतिशत नगद लाभांश वितरणको प्रस्ताव पारित गरिनेछ।
