अघिल्लो दिन सामान्य वृद्धि भएको सुनको मूल्य आज घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १४ सय रुपैयाँले घटेर १ लाख ८८ हजार ३ सय रुपैयाँमा सीमित बनेको छ।
अघिल्लो दिन सुनको मूल्य प्रतितोला १ लाख ८९ हजार ७ सय रुपैयाँमा कारोबार भएको थियो। त्यस दिन सुनको मूल्यमा १ सय रुपैयाँले सामान्य वृद्धि देखिएको थियो।
त्यस्तै, चाँदीको मूल्य पनि घटेको छ। आज चाँदीको मूल्य अघिल्लो दिनको तुलनामा २० रुपैयाँले घट्दै प्रतितोला १ हजार ९७० रुपैयाँ कायम भएको छ।
