राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालत तुलसीपुरको बुटवल इजलासले थुनामा पठाउन आदेश दिएको छ।
सुप्रिम सहकारी ठगी र संगठित अपराधसम्बन्धी मुद्दामा जिल्ला अदालत रुपन्देहीले लामिछानेलाई १ करोड रुपैयाँ धरौटीमा रिहा गरेको थियो। सो आदेशविरुद्ध पुनरावेदन निवेदन दायर गरिएको थियो।
उक्त पुनरावेदनमाथि सुनुवाइ गर्दै उच्च अदालतका न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालतको निर्णय बदर गर्दै लामिछानेलाई थुनामा पठाउन आदेश दिएको हो। त्यस्तै छबिलाल जोशिलाई पनि थुनामा राख्ने निर्णय सदर गरेको छ ।
यो आदेशसँगै लामिछाने र छबिलाल जोशि अब हिरासतमा रहनेछन् र मुद्दाको थप अनुसन्धान थुनामै रहनेगरी अघि बढ्नेछ।
रवि लामिछानेले नेतृत्व गर्दै आएको रास्वपा नेपाली राजनीतिमा उदाउँदै गरेको शक्ति मानिन्छ। अदालतको यो आदेशले पार्टीको भित्री राजनीति र लामिछानेको राजनीतिक भविष्यमा गहिरो प्रभाव पार्न सक्छ भन्ने अनुमान गरिएको छ।
