घरेलु बजारमा सुनको मूल्यले नयाँ उचाइ कायम गर्ने क्रम मंगलबार पनि जारी रहेको छ। नेपाल सुनचाँदी व्यवसायी महासंघका अनुसार, आज सुनको मूल्य प्रतितोला १ लाख ७९ हजार ७ सय रुपैयाँ पुगेको छ, जुन हालसम्मकै उच्च मूल्य हो।
अघिल्लो दिन पनि सुनको मूल्यले रेकर्ड कायम गरेको थियो। सोमबार सुनको मूल्य १ हजार १ सय रुपैयाँले बढ्दै प्रतितोला १ लाख ७७ हजार ९ सय रुपैयाँ पुगेको थियो। आइतबार पनि सुनको मूल्य ऐतिहासिक उच्च बिन्दुमा पुगेको थियो, जब ६ सय रुपैयाँले बढेर प्रतितोला १ लाख ७६ हजार ८ सय रुपैयाँ कायम भएको थियो।
यो महिनामा सुनको मूल्यले पाँच पटक ‘अल टाइम हाई’ को रेकर्ड तोडिसकेको छ।
त्यस्तै, आज चाँदीको मूल्यमा भने केही घटबढ देखिएको छ। चाँदी आज प्रतितोला २ हजार ३५ रुपैयाँमा कारोबार भइरहेको छ।
