काठमाडौं। लगातार ६ कारोबार दिन ओरालो लागेको सेयर बजार सोमबार सुधारिएको छ। नेपाल स्टक एक्सचेन्ज (नेप्से) परिसूचक अघिल्लो दिनको तुलनामा ३०.५२ अंक (१.१६ प्रतिशत) ले बढ्दै २६४५ अंकमा पुगेको छ।
कारोबार सुरु हुँदा केही गिरावट देखिए पनि बजारले ११:१९ बजे २५९३ अंकसम्म झरेपछि पुनः सुधारको संकेत देखायो। त्यसपछि बजारले समातेको उकालो गति अन्तिमसम्म कायमै रह्यो।
चैत ३ यता लगातार घटेको बजार फागुन १९ देखि ओरालो लागेको थियो भने फागुन २८ गते एक दिन मात्र वृद्धि भएको थियो।
कारोबार रकम घट्यो
नेप्से परिसूचक बढे पनि कारोबार रकम घटेको छ। अघिल्लो दिन ६ अर्ब ३२ करोडको कारोबार भएकोमा सोमबार ४ अर्ब ४८ करोडमा सीमित भयो। २१० कम्पनीको सेयर मूल्य बढ्दा ३३ कम्पनीको मूल्य घटेको देखिन्छ।
सबै सेक्टरका सूचक बढे
यस दिन सबै सेक्टरका सूचक सकारात्मक रहे। सबैभन्दा धेरै फाइनान्स समूह ३.७५ प्रतिशतले उकालो लाग्यो। अन्य सूचकहरू यस प्रकार छन्:
- बैंकिङ: ०.९२%
- विकास बैंक: ०.७८%
- होटल तथा पर्यटन: १.१६%
- हाइड्रोपावर: १.००%
- लगानी: ०.९५%
- जीवन बीमा: १.६४%
- उत्पादन: ०.८०%
- माइक्रोफाइनान्स: ०.९०%
- निर्जीवन बीमा: ०.६१%
- अन्य: १.९१%
- व्यापार: १.५५%
सर्वाधिक मूल्य वृद्धि भएका कम्पनीहरू
- गार्डियन माइक्रोलाइफ इन्स्योरेन्स: ९.२९%
- पोखरा फाइनान्स: ७.४७%
- समृद्धि फाइनान्स: ६.३०%
- स्वेतगंगा हाइड्रोपावर: ५.६४%
- रिलायन्स फाइनान्स: ५.२२%
मूल्य घट्ने कम्पनीहरू
- अपरहेवाखोला हाइड्रोपावर: ४.९२%
- नारायणी डेभलपमेन्ट बैंक: ४.०५%
- युनाइटेड मोदी हाइड्रो: २.९%
उत्कृष्ट कारोबार भएका कम्पनीहरू
कारोबार रकमका आधारमा हिमालयन रिइन्स्योरेन्स, सीएचडीसी, नेपाल पुनर्बीमा, गार्डियन माइक्रोलाइफ इन्स्योरेन्स, र सिन्धु विकास बैंक उत्कृष्ट पाँचभित्र परेका छन्।
