कुथेली बुखरी स्मल हाइड्रोपावर लिमिटेडको नाफा घट्ने प्रमुख कारण आम्दानीमा आएको कमी हो। चालु आर्थिक वर्ष २०८१/८२ को दोस्रो त्रैमाससम्ममा कम्पनीले ८८ लाख ४६ हजार रुपैयाँ खुद नाफा आर्जन गरेको छ, जुन अघिल्लो वर्षको सोही अवधिको तुलनामा १४.२७ प्रतिशतले कम हो। गत वर्ष यसै अवधिमा कम्पनीको खुद नाफा १ करोड ३ लाख रुपैयाँ थियो।
विद्युत बिक्रीबाट कम्पनीले १ करोड ९९ लाख रुपैयाँ आम्दानी गरेको छ, जुन अघिल्लो आर्थिक वर्षको तुलनामा ७.८५ प्रतिशतले घटेको हो। अघिल्लो वर्ष कम्पनीले २ करोड १६ लाख रुपैयाँ विद्युत बिक्रीबाट कमाएको थियो।
कम्पनीको प्रशासनिक खर्च ३१ लाख ३२ हजार रुपैयाँ छ, जुन अघिल्लो वर्षको ५६ लाख ७६ हजार रुपैयाँको तुलनामा घटेको छ। वित्तीय खर्च भने १८ लाख ७० हजार रुपैयाँ रहेको छ।
हाल कम्पनीको चुक्तापूँजी १२ करोड १८ लाख रुपैयाँ रहेको छ भने रिजर्भको आकार ६ करोड १८ लाख रुपैयाँ छ। कम्पनीसँग ३ करोड ७३ लाख रुपैयाँ दीर्घकालीन कर्जा र १० लाख ५२ हजार रुपैयाँ अल्पकालीन कर्जा छ। कुल चालु सम्पत्ति १ करोड ४६ लाख रुपैयाँ रहेको छ भने कुल चालु दायित्व २० लाख १८ हजार रुपैयाँ रहेको छ।
समीक्षा अवधिसम्म कम्पनीको प्रतिसेयर आम्दानी (EPS) १४.५२ रुपैयाँ, प्रतिसेयर नेटवर्थ १५०.७३ रुपैयाँ, प्रतिसेयर कुल सम्पत्तिको मूल्य १८३ रुपैयाँ, र मूल्य-आम्दानी अनुपात १७१.५१ गुणा रहेको छ।
