मञ्जुश्री फाइनान्स लिमिटेडको सञ्चालक समितिको अध्यक्षमा सुमन प्रसाद अधिकारी चयन भएका छन् । माघ ४ गते बसेको सञ्चालक समितिको बैठकले अधिकारीलाई अध्यक्षमा चयन गर्ने निर्णय गरेको हो ।
उनलाई सोही दिनदेखि लागू हुनेगरी अध्यक्षमा चयन गरिएको संस्थाले जनाएको छ । यसअघिका अध्यक्ष यादव अधिकारीले आफ्नो व्यक्तिगत कारण देखाउँदै अध्यक्ष पदमा रही कार्य गर्न असमर्थ रहेको भन्दै राजीनामा दिएका थिए ।
अधिकारीले अध्यक्ष चयन भएको एक सातामै राजीनामा दिएका छन् ।
उनी गत पुस २८ गते सम्पन्न संस्थाको १७ औं वार्षिक साधारण सभाबाट निर्विरोध निर्वाचित हुँदै सोही दिन अपरान्ह ३ बजे बसेको संस्थाको सञ्चालक समितिको बैठकबाट पुस २९ गते देखि लागू हुनेगरि निर्विरोध रुपमा अध्यक्ष चयन भएका थिए ।
