नागरिक लगानी कोष (सीआईटी)ले आफ्नो ३०औं वार्षिक साधारणसभा पुस २९ गते आयोजना गर्ने निर्णय गरेको छ। कोषको सञ्चालक समितिले सोमबार बसेको बैठकमा यस सभाको मिति र स्थान तय गरेको हो। सभा काठमाडौंको नयाँबानेश्वरस्थित सीआईटी बिल्डिङमा बिहान ११ बजेबाट सुरु हुनेछ।
सभामा गत आर्थिक वर्ष २०८०।८१ को लागि प्रस्तावित १३% लाभांश अनुमोदन गर्नेछ। यसमा ७% बोनस सेयर र ६% नगद लाभांश (करसहित) समावेश छन्।
यस्तै, सभाले कम्पनीको वार्षिक प्रतिवेदन र लेखापरीक्षकको आर्थिक प्रतिवेदन पनि स्वीकृत गर्नेछ।
