चालु आवको पहिलो त्रैमाससम्म न्यादी हाईड्रोपावर लिमिटेड कम्पनीको खुद घाटा ७५ लाख ७५ हजार रुपैयाँ रहेको छ । अघिल्लो आवको सोही अवधिसम्म भने कम्पनी ३ करोड ३७ लाख रुपैयाँ घाटामा थियो ।
त्यस्तै कम्पनीको विद्युत बिक्री आम्दानी बढेर २१ करोड १९ लाख रुपैयाँ रहेको छ । कम्पनीको परियोजना सञ्चालन खर्च ६ करोड ९० लाख रुपैयाँ र प्रशासनिक खर्च ८२ लाख १६ हजार रुपैयाँ रहेको छ ।
कम्पनीको चुक्तापूँजी १ अर्ब ५० करोड रुपैयाँ रहेको छ । कम्पनीको कुल चालु सम्पत्ति १९ करोड ३४ लाख र कुल चालु दायित्व ३४ करोड ८६ लाख रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी ०.५१ रुपैयाँले ऋणात्मक, प्रतिसेयर नेटवर्थ ६३.७८ रुपैयाँ, मूल्य आम्दानी अनुपात १६०.३९ गुणा र तरलता अनुपात ०.५५ प्रतिशत रहेको छ ।
