नेपाल राष्ट्र बैंकले संस्थागत लगानीकर्ताका लागि सेयर धितो कर्जामा २० करोडको सीमा आजबाट हटाएको छ ।
आज बैंक तथा वित्तीय संस्थाका लागि एकीकिृत निर्देशन जारी गर्दै मौद्रिक नीतिको यो ब्यबस्था कार्वान्वन गरेको हो । योसँगै संस्थागत लगानीकर्ताले लिने सेयर धितो कर्जाको सीमा हटेको छ भने अब उनीहरुले २० करोड भन्दा माथि ॠण लिन सक्नेछन ।
राष्ट्र बैंकले गत साउन ११ गते चालु आवका मौद्रिक नितिमार्फत सेयरधितो कर्जाको सीमा ब्याक्तीहत बाहेकलाई हटाएको थियो । जसलाई आज राष्ट्र बैंकले सर्कुलरमार्फत बैंक तथा वित्तीय संस्थालाई कार्यान्वयनका लागि निर्देशन दिएको छ ।
‘कुनै एक वा सबै इजाजतपत्रप्राप्त संस्थाहरुबाट शेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा कुल रु. १५ करोड कायम गरिएको छ । तर धितोपत्र बजारमा लगानी गर्ने मुख्य उद्देश्यले स्थापना भएका संस्थागत लगानीकर्ताहरुका लागि मात्र यस्तो सीमा लागु हुनेछैन ।’-सर्कुलरमा भनिएको छ ।
यसअघि संस्थागत लगानीकर्ताका लागि सेयरधितो कर्जाको सीमा २० करोड र व्यक्तिगतका लागि १५ करोड थियो ।
