सरकारले फेरी इन्धनमा लाग्दै आएको करबाट ५ रुपैयाँ बुढीगण्डकी आयोजनालाई छुट्याउने निर्णय गरेको छ ।
बिहीबार बसेको मन्त्रिपरिषद् बैठकले इन्धनमा लगाउँदै आएको पूर्वाधार विकास करमध्ये प्रतिलिटर ५ रुपैयाँ बुढीगण्डकी आयोजनाका लागि छुट्याउने निर्णय गरेको हो ।
सरकारले आर्थिक वर्ष २०७३/७४ बाट बुढीगण्डकी आयोजना निर्माणका लागि इन्धनमा प्रतिलिटर ५ रुपैयाँ कर लिने गरेको थियो तर २०७६ फागुनदेखि सरकारले बुढीगण्डकीको सट्टा पूर्वाधार विकास करको नाममा प्रतिलिटर १० रुपैयाँ संकलन गर्न थालेको थियो ।
मन्त्रिपरिसद बैठकले पूर्वाधार विकास करको नाममा उठ्ने रकमबाटै ५ रुपैयाँ बुढीगण्डकीलाई पनि छुट्याउने भएको हो ।
त्यस्तै, सञ्चार तथा सूचना प्रविधिमन्त्री रेखा शर्माले प्रधानमन्त्री र मन्त्रिपरिषदका सदस्यहरुको एक महिनाको पारिश्रमिक भूकम्प पीडित राहत कोषमा दिने निर्णय भएको जानकारी दिइन्।
