चालु आर्थिक बर्ष २०८०-८१को साउन महिनामा राष्ट्रिय स्तरका आठ वटा विकास बैंकले पौने १ अर्ब भन्दा बढी कमाएका छन । तिनिहरुले एक महिनामा ८४ करोड २१ लाख ९० हजार रुपैयाँ नाफा कमाएका छन ।
गरिमा विकास बैंकले यस अबधिमा सर्बाधिक कमाएको छ । गरिमा विकास बैंकले साउन महिनामा २४ करोड ९५ लाख ६० हजार रुपैयाँ नाफा कमाएको देखिन्छ । दोश्रो धेरै कमाउनेमा मुक्तिनाथ विकास बैंक देखिएको छ । यस बैंकले उक्त अबधिमा १६ करोड ८० लाख ४० हजार रुपैयाँ नाफा कमाएको छ ।
त्यसै गरी कामना सेवा विकास बैंकले यस अबधिमा ८ करोड १३ लाख ३० हजार रुपैयाँ नाफा कमाएको विवरण बाहिरिएको छ ।
यस्तै लुम्बिनी विकास बैंकको सोही अबधिको नाफा ७ करोड ९१ लाख ५० हजार रुपैयाँ रहेको छ ।
त्यस्तै महालक्ष्मी विकास बैंकले ७ करोड ८५ लाख ८० हजार, शाइन रेसुङ्गा विकास बैंकले ७ करोड १९ लाख २० हजार, सांग्रिला विकास बैंकले ५ करोड ६५ लाख २० हजार रुपैयाँ र ज्योती विकास बैंकले ५ करोड ७० लाख ९० हजार रुपैयाँ नाफा आर्जन गरेको छ ।
