अपी पावर कम्पनीले १२ लाख हाराहारी कित्ता सेयर असोज १७ गतेबाट बिक्रीमा राख्ने निर्णय गरेको छ ।
जोकोही व्यक्ति, कम्पनी र संघसंस्थाले खरिद गर्नसक्ने गरी कम्पनीले सर्वसाधारण समूहको ११ लाख ९४ हजार ९३४ कित्ता अवितरित हकप्रद लिलामी प्रक्रियामार्फत बिक्रीमा राख्न लागिएको हो ।
यो सेयरको न्यूनतम मूल्य प्रतिकित्ता १०० रुपैयाँ तोकिएको हुनाले आबेदकले न्यूनतम १०० वा सोभन्दा बढी बोलकबोल गरेर आबेदन दिनुपर्नेछ ।
आबेदन दिदा न्यूनतम १०० कित्ता र अधिकतम सम्पूर्ण कित्ता खरिद आबेदन दिन सक्नेछन ।
बोलपत्र धितोपत्र बिक्री प्रबन्धक मुक्तिनाथ क्यापिटलको काठमाण्डौको नक्सालस्थित प्रधान कार्यालयमा तथा मुक्तिनाथ विकास बैंकका शाखाहरु ठिमी, कुमारीपाटी, बिर्तामोड, विराटनगर, वीरगन्ज, जनकपुर, हेटौँडा, नारायणगढ, चिप्लेढुंगा (पोखरा), बागलुङ, बुटवल, घोराही, नेपालगन्ज, सुर्खेत, धनगढी र महेन्द्रनगरमा पेस गर्न सकिनेछ।
बोलपत्र पेस गर्ने अन्तिम मिति असोज २४ गतेसम्म तोकिएको छ।
