काठमाडौं महानगरपालिकाको टोली विद्यालयहरुमा पठनपाठन भए/नभएको अनुगमनमा निस्किएको छ । टोलिमा उपमेयर पनि रहेकी छिन ।
पठनपाठन अवरुद्द रहेछ भने अनुगमनकै क्रममा टोलीले निर्णय गरेर कारबाही गर्ने तयारी महानगरको रहेको छ ।
बुधबारबाट देशभरिका विद्यालय बन्द गरी शिक्षकहरु आन्दोलनमा उत्रिएका छन् । काठमाडौं केन्द्रित आन्दोलनमार्फत सरकारले ल्याएको शिक्षा विधेयकको विषयमा उनीहरुल बिरोध गरिरहेका छन् ।
काठमाडौं महानगरपालिकाले शिक्षा विधेयकमा असहमति रहेको भए पनि पठनपाठन अबरुद्ध गरेर आन्दोलन गर्न नहुने र गरेमा कारबाही गर्ने भनेको थियो ।
महानगरपालिकाका मेयर बालेन्द्र शाहले विद्यालयमा पठन पाठन बन्द भएमा कानुनअनुसार कारबाही गरिने जनाउ दिएका छन् ।
यता आन्दोलनरत शिक्षकहरुको नेतृत्व गरिरहेको नेपाल शिक्षक महासंघको काठमाडौं महानगरपालिका समितिले भने आफूहरुले बिदाका दिनमा विद्यालय खोलेर पठनपाठन गराउने र काठमाडौं महानगरपालिकाले निकालेको विज्ञप्ति धम्कीपूर्ण र खेदजनक भएको पनि जनाएको छ ।
