हाल दोश्रो बजारमा कारोबार भईरहेको एउटा यस्तो कम्पनी भेट्टायौ , जसको बुक भ्यालु रु १.११ रहेको छ ।
हाल सेयर बजारमा सबैभन्दा कम बुक भ्यालु रहेको कम्पनी नै यै रहेको देखिन्छ । यो कम्पनी बुक भ्यालुको हिसाबले १३० गुणा भन्दा बढी महङ्गो रहेको देखिन्छ । यानिकी प्राइस टु बुक भ्यालु १३०.६ रहेको देखिन्छ ।
उक्त कम्पनिको नाम हो दिव्यसवरी हाइड्रोपावर लिमिटेड (DHPL) हो ।
सामान्यतया लगानिका लागि प्राइस टु बुक भ्यालु १ देखी ३ सम्मको स्टकलाई पिबी रेसियोको हिसाबले लगानिका लागि उपयुक्त मान्ने चलन छ । कतिपयले त पिबी रेसियो ३ भएकोलाई पनि ओभरभ्यालुड मान्ने गर्दछन । जस्तो कि अहिले धेरै जस्तो बैंकहरु पिबी रेसियो १ देखी २ को हाराहारी मा रहेकोछ । तर पनि लगानिकर्ताले रुचाएर धेरै लगानी गरेको देखिन्दैन ।
तर कतिपय कम्पनी जसको प्रोफिट मार्जिन र क्वाटर टु क्वाटर रेभीन्यु ग्रोथ २०- २५ प्रतिसत वा सोभन्दा बढी रहेको हुन्छ त्यस्ता कम्पनीको हकमा भने पिबी रेसियो बढी भएतापनी लगानी गर्नका लागि उपयुक्त नै मानिन्छ । किनकी यस्ता कम्पनिले राम्रो सङ्ग ब्यवसाय बिस्तार गरिरहेका हुन्छन ।
तर यो कम्पनि भने त्यस्तो बिशेष कम्पनी भएर पिबी रेसियो १३०.६ भएको भने होइन ।
यो कम्पनिको पिई रेसियो र प्रतिसेयर आम्दानी ( ईपीयस ) दुइटै माइनस (ॠणात्मक ) रहेको देखिन्छ । यो कम्पनिको पिई रेसियो माइनस १०.०१ रहेको देखिन्छ भने ईपियस पनि माइनस १४.४८ रहेको देखिन्छ ।
यस्ता कम्पनिमा सोझा लगानिकर्ता फस्ने सम्भाबना हुन्छ । त्यसैले यस्ता कम्पनिहरु किन्दा बिशेष ध्यान पुर्याउनु जरुरी देखिन्छ । सामान्य लगानिको सिद्धान्तलाई हेर्ने हो भने यो कम्पनिमा लगानी गर्नु उपयुक्त देखिन्दैन ।
 हो ।){kind=link}