कोशी प्रदेश सरकारले हाल बजेट शून्यको अवस्थामा आज बजेटसम्बन्धी अध्यादेश ल्याएको छ ।
मुख्यमन्त्री हिक्मतकुमार कार्की पुन: मुख्यमन्त्री नियुक्त भएपछि पहिलो बैठकको निर्णय अनुरुप आज अध्यादेश ल्याएका हुन् ।
सरकारले सिफारिस गरेका कोशी प्रदेश आर्थिक अध्यायदेश र कोशी प्रदेश विनियोजन अध्यादेश प्रदेश प्रमुख परशुराम खापुङ्गले जारी गरेका हुन् ।
मुख्यमन्त्री कार्कीले शुक्रबार बेलुका मुख्यमन्त्रीको जिम्मेवारी सम्हाल्दै सोही दिनको बैठकबाट उनले अध्यादेश ल्याउने निर्णय गरेका थिए ।
यसअघि कार्की नेतृत्वको सरकारले नै गत जेठ ३२ गते ल्याएको बजेट अध्यादेश भदौ १० गते निष्क्रिय भएको थियो ।
