नेपाल राष्ट्र बैंकले १० अर्ब रूपैयाँ बराबरकाे विकास ऋणपत्र बिक्री गर्ने भएकाे छ । केन्द्रिय बैंकले ६ वर्ष अवधिकाे “विकास ऋणपत्र २०८६ (झ)” नामकाे ऋणपत्र बिक्री गर्ने निर्णय गरेको हो ।
यसैगरी, उक्त ऋणपत्र जो सुकै नेपाली नागरिक तथा सङ्घ सस्थाले खरिद गर्न सक्ने ब्यबस्था मिलाईएको छ । खरिदकर्ताले राष्ट्र बैंकको राष्ट्र ऋण व्यवस्थापन विभागमा आवेदन दिनुपर्नेछ । याे ऋणपत्र धिताे राखी कर्जा लिन/दिन पाइनेछ ।
यस ऋणपत्रकाे ब्याजदर बोलकबोल मार्फत निर्धारण गरिनेछ । यसको बाेलकबाेल भदाै २४ गते आइतबार अपरान्ह ३ बजेसम्म हुने निर्णय गरिएको छ । यो ॠणपत्र २०८६ साल भदाै २५ गते पारीपक्व हुनेछ ।
त्यस्तै, इच्छुक खरीदकर्ता प्रतिस्पर्धी र अप्रतिस्पर्धी रुपमा सहभागी हुन सक्नेछन् । प्रतिस्पर्धीले निष्कासित रकमको ८५ प्रतिशत र अप्रतिस्पर्धीले १५ प्रतिशत बराबरको ऋणपत्र खरिद गर्न सक्नेछन् ।
खरिदकर्ताले घटीमा रु ५० हजार र बढीमा कूल निष्कासित रकमको सीमामा नबढाई रु ५० हजारले भाग गर्दा निःशेष भाग जाने अङ्क बराबर खरिद गर्न पाउनेछन् ।
