पछिल्लाे समय नेपालमा बैंक तथा वित्तीय संस्थाविरूद्ध अनेकाैँ अराजक गतिविधि दैनिक बढ्दै गएकाे छ । बैंक तथा वित्तीय संस्थाका शाखा कार्यालय र कर्मचारीहरुमाथि दुर्व्यवहार गर्ने, लुटपाट गर्ने, कार्यालय बन्द गर्न धम्की दिने जस्ता अराजक गतिविधि र आक्रमण गर्ने जस्ता कार्यहरु दैनानुदिन बढिरहेकोप्रति बैंक तथा वित्तीय संस्था परिसंघ नेपाल (सिबिफिन) ले गम्भिर ध्यानाकर्षण जनाएकाे छ ।