सिटिजन्स बैंक इन्टरनेशनल लिमीटेडले ९ प्रतिसत हाराहारी लाभांश बाड्ने तयारी सुरु गरेको छ ।
वासलात सम्भवतः अर्को सातासम्म केन्द्रीय बैंकमा पेश गर्ने गरी तयारी गरिएको छ ।
सिटिजन्स बैंकले गत आर्थिक वर्षको नाफा तथा रिजर्भबाट समेत गरी ९ प्रतिशत हाराहारीमा लाभांश बाँड्नसक्छ , तर त्यसका लागि केन्द्रीय बैंकका अधिकारीहरुले बैंकलाई केही फेबर गर्नु पर्नेछ ।
बैंकको गत वर्षको वितरणयोग्य मुनाफा १ अर्ब ३ करोड हाराहारीमा रहेको छ । त्यसबाहेक लाभांशको रुपमा वितरण गर्ने मिल्ने क्यापिटल रिडम्पसन रिजर्भको रकम २७ करोड ७७ लाख जति रहेको छ ।
यि दुईलाई जोडेर हेर्दा यो बैंकको लाभांश क्षमता ९ प्रतिशत हाराहारी हुन आउँछ ।
यदि बण्ड रिडम्पसनको रकमलाई चलाउन नपाए सिटिजन्स बैंकले ६ प्रतिशत हाराहारीमा मात्र लाभांश दिने देखिन्छ ।
